Posts Tagged ‘ဗုဒ္ဓဘာသာဆိုင်ရာ’
မေတ္တာကုန်သည်
December 29th, 2010 | 
Author: တစ်နေရာမှ ကုန်ပစ္စည်းများကို သိုလှောင်ထား၍ တခြားတစ်နေရာကို ပြန်လည်ဖြန့်ချီခြင်းကို ကုန်သည် ဟု အကျွန်ုပ် သဘောပေါက်ပါသည်။ အသိဥာဏ်ရှိသော ကုန်သည်တို့သည် အလွန်တိုးတက်ကြီးပွားကြသည်။ စင်္ကာပူနိုင်ငံသည် ကုန်သည်အလုပ်ဖြင့်ကြီးပွားနေသော နိုင်ငံဖြစ်သည်။ ၎င်းနိုင်ငံတွင် ကိုယ်ပိုင်ထွက်ကုန်ပစ္စည်း ဘာမှမရှိပါ။ စားသောက်ဖွယ်ရာများ လူသုံးကုန်ပစ္စည်းများ ယုတ်စွအဆုံး သောက်စရာ ရေ ပင်လျှင်မရှိဟုသိရပါသည်။ သို့သော်ထိုနိုင်ငံသည် တခြားနိုင်ငံများမှ ကုန်ပစ္စည်းများကို မိမိနိုင်ငံတွင်သိုလှောင်ထား၍ တခြားနိူင်ငံများသို့ ပြန်လည်ဖြန့်ချီခြင်းဖြင့် ကြီးပွားတိုးတက်နေပါသည်။ (တချိန်က ရန်ကုန်မြို့သည် ထိုအလုပ်ကိုလုပ်၍ အာရှကျားဖြစ်ခဲ့သည်ဟု ပုံပြင်တစ်ပုဒ်ပမာ ကြားရဘူးသည်)
စာရေးသောပုဂ္ဂိုလ်တို့သည် တခါတရံ မိမိတို့လေ့လာဖတ်ရှု့ရသော စာကောင်းပေကောင်း တန်ဖိုးရှိသောစာတစ်ချို့ကို တခြားစာဖတ်သူတွေ အသိတိုးပါစေဟူသော စေတနာဖြင့် ပြန်လည်ရေးသားဖေါ်ပြတတ်ပါသည်။ ထိုစေတနာအတိုင်း စာဖတ်သူတွင် အသိတိုးပွားသလို တဆင့်ပြန်လည်ရေးသားသော ပုဂ္ဂိုလ်တွင်လည်း အသိဥာဏ်လည်းတိုးတက် စာဖတ်ပရိတ်သတ်လည်း တိုးပွားလာပါသည်။ စာဖတ်ပရိတ်သတ်များကလည်း ထိုစာရေးသောပဂ္ဂိုလ်ကို ကျေးဇူးတင်ရှိတတ်ကြပါသည်။ (ဥပမာ-ကိုပေါ့ဆိမ့်က ဆရာတော်ဦးဇောတိက ရေးသောအကြောင်းအရာများကို တဆင့်ပြန်လည် ဖော်ပြရေးသားပေးခြင်း)။ တခြားသူများရဲ့ အသိတရားကို မိမိဦးဏှောက်တွင် သိုလှောင်ထားပြီး တခြားသူများကို ပြန်လည် ဖြန့်ဝေပေးနေလို့ ကျေးဇူးတွေနဲ့ အသိဥာဏ်တွေ တိုးတက်နေသော အသိဥာဏ်ကုန်သည် လို့ ပြောရင်မှားမယ် မထင်ပါဘူး။
မေတ္တာပို့ခြင်းသည် ကောင်သည်ဟု အကျွန်ုပ် မှတ်သားရပါသည်။ သို့သော် ကိလေသာထူပြောသော အကျွန်ုပ်တွင် အရည်အသွေးကောင်းသောမေတ္တာ ဖြူစင်သောမေတ္တာမရှိ၍ ဘယ်ကမေတ္တာကို ပို့ရမည်မသိပါ။ ဒါပေမယ့် အကျွန်ုပ်တွင် အကြံကောင်းတစ်ခုရှိပါသည်။ အဲ့ဒါကတော့ စင်္ကာပူနိုင်ငံ နှင့် အသိဥာဏ်ကုန်သည်များကို အတုခိုးပြီး မေတ္တာကုန်သည်လုပ်မည်ဟု ဆုံးဖြတ်လိုက်ခြင်းဖြစ်ပါသည်။ မေတ္တာကုန်သည် လုပ်မယ်ဆိုတော့ အရည်အသွေးကောင်းသော မေတ္တာ ဖြူစင်သောမေတ္တာ ရဖို့အရင်လုပ်ရပါမည်။ ဒါမှ မေတ္တာကုန်သည်အလုပ် အောင်မြင်မှာ ဖြစ်ပါသည်။
ပထမအနေနဲ့ အကျွန်ုပ်ကိုယ်အကျွန်ုပ် မေတ္တာသိုလှောင်ရုံကြီးလို့ သဘောထားလိုက်ပါတယ်။ ထို့နောက်မှာတော့ မေတ္တာရှိသူ မေတ္တာပို့နေသူတွေရဲ့ မေတ္တာကို သိုလှောင်ပါတော့တယ်။ သိုလှောင်ပုံကတော့ …….
“မြတ်စွာဘုရား ပို့သသောမေတ္တာကို ခံယူပါတယ်”
“ပွင့်ဖူးပြီးသော ဘုရားရှင်တို့ ပို့သသောမေတ္တာကို ခံယူပါတယ်”
“ရဟန္တာပဂ္ဂိုလ်များ ပို့သသောမေတ္တာကို ခံယူပါတယ်”
“အရိယာပုဂ္ဂိုလ်များ ပို့သသောမေတ္တာကိုခံယူပါတယ်”
“မိဘများ ပို့သသောမေတ္တာကိုခံယူပါတယ်”
“ဆရာတော်များ ပို့သသောမေတ္တာကိုခံယူပါတယ်”
“သူတော်ကောင်းများ ပို့သသောမေတ္တာကိုခံယူပါတယ်”
“မေတ္တာပို့သူများ ပို့သသောမေတ္တာကိုခံယူပါတယ်”
လို့ဖြစ်ပါတယ်။
အဲ့ဒီနောက်မှာတော့ သိုလှောင်ထားသော မေတ္တာတွေကိုမိမိကိုယ်နှင့် တခြားသူများအား ပြန်လည်ဖြန့်ချီပါတော့တယ်။
“အကျွန်ုပ် ကျန်းမာ ချမ်းသာပါစေ”
“ဖေဖေ မေမေကျန်းမာ ချမ်းသာပါစေ”
“ဆင်တဲကဖေးနဲ့ ပတ်သတ်သူတွေအားလုံး ကျန်းမာ ချမ်းသာကြပါစေ”
“ဆင်တဲကဖေးကို အလည်လာသူတွေအားလုံး ကျန်းမာ ချမ်းသာကြပါစေ”
“ထိုသူများနှင့်ပတ်သတ်နေသူများလည်း ကျန်းမာ ချမ်းသာကြပါစေ”
“သတ္တ၀ါတွေအားလုံး ကျန်းမာ ချမ်းသာကြပါစေ”
“…………..ကျန်းမာ ချမ်းသာကြပါစေ”
“…………..ကျန်းမာ ချမ်းသာကြပါစေ”
“…………..ကျန်းမာ ချမ်းသာကြပါစေ”
အကျွန်ုပ်သည် မေတ္တာရှိသော မြင့်မြတ်သော ပုဂ္ဂိုလ်တို့ရဲ့ အရည်အသွေးကောင်းမွန်သော ဖြူစင်သော မေတ္တာများကို ပြန်လည်ဖြန့်ဝေခြင်းသာဖြစ်ပါသည်။ ထို့ကြောင့် ယုံကြည်စိတ်ချစွာ လက်ခံ ဆောင်ယူသွားကြပါ။ ဤသည်မှာ အကျွန်ုပ်လုပ်သော မေတ္တာကုန်သည် အလုပ်ဖြစ်ပါသည်။ အဆွေတို့တစ်တွေလည်း မေတ္တာကုန်သည် လုပ်ကြည့်နိုင်ပါသည်။ မေတ္တာကုန်သည် လုပ်နေစဉ်မှာတော့ အဆွေသည် မေတ္တာတိုးပွားနေ၍ အေးချမ်းနေမယ် ကိုယ့်ကိုယ် ကိုယုံကြည်မှု့တွေရှိနေမယ် ဆိုတာ အကျွန်ုပ်ရဲဝံစွာအာမခံပါသည်။
ဘာကြောင့်အကျွနုပ်သည် ထိုကဲ့သို့ ရဲဝံစွာအာမခံနိုင်သလဲဆိုလျှင်
“ဘုရားနှင့်တကွ သံဃာတော်အားလုံးကို ဆွမ်းကျွေးခြင်း ကုသိုလ်၊ ကျောင်းဆောက်လှူခြင်း ကုသိုလ်တို့ထက် နံသာတရှူခန့် သို့မဟုတ် နွားနို့တစ်ညှစ်ခန့် သတ္တ၀ါတွေ စိတ်ချမ်းသာကြပါစေ။ ကိုယ်ကျန်းမာကြပါစေ ဟုပွားများလိုက်သော မေတ္တာဘာဝနာ ကုသိုလ်အကျိုးက ပို၍ကြီးမားသည်” ဟု အင်္ဂုတ္တိုရ်ပါဠိတော် န၀က နိပါတ်သီဟနာဒ၀င်္ဂ ဝေလာမသုတ် တွင် ပါရှိသောကြောင့် ဖြစ်ပါသည်။ ။
ပုံလေးကို ဂူဂယ် ကရှာထားပါတယ်။
ဆင်တဲ က အရိယာ မဂ္ဂသန္တိသုခ စေတီတော်
ဆင်တဲ ရှိ အရိယာ မဂ္ဂသန္တိသုခ စေတီတော် သည် ပဲခူးတိုင်း၊ ပန်းတောင်းမြို့နယ်၊ ဆင်တဲ၊ အမှတ်(၂) စက်မှုဝန်ကြီးဌာန၊ အမှတ်(၁) လယ်ယာသုံးစက်ပစ္စည်း ထုတ်လုပ်မှုစက်ရုံနယ်မြေ၊ ဓမ္မရက္ခိတ ကုန်းတော်တွင် ကိန်းဝပ်တော်မူ ပါသည်။ ဥာဏ်တော် (၃၁) ပေရှိသော ဤ အရိယာ မဂ္ဂသန္တိသုခစေတီကို ရန်ကုန်မြို့ရှိ ရွှေတိဂုံတော်ကြီး၏ ပုံတော်တူ တည်ထားတော်မှုပါသည်။ သာသနာ သက္ကရာဇ် ၂၅၅၂ ခုနှစ်၊ ကောဇာသက္ကရာဇ် ၁၃၇၀ ပြည့်နှစ်၊ တန်ဆောင်မုန်းလပြည့်ကျော် (၂) ရက်၊ ခရစ်နှစ် ၂၀၀၈ ခုနှစ် နိုဝင်ဘာ (၁၄) ရက် သောကြာနေ့တွင် ရတနာ အုတ်မြစ်တော်စီ မင်္ဂလာ ကျင်းပလျက် စတင်တည်ထားခဲ့ ပြီး သာသနာသက္ကရာဇ် ၂၅၅၂ ခုနှစ်၊ ကောဇာသက္ကရာဇ် ၁၃၇၀ ပြည့်နှစ်၊ တပေါင်းလပြည့် ခရစ်နှစ် ၂၀၀၉ ခုနှစ်၊ မတ်လ (၁၀) ရက်နေ့တွင် ထီးတော်တင်လှူ ပူဇော်ခဲ့ပါသည်။ ဆင်တဲမှ အထွေထွေမန်နေဂျာ ဦးကျော်လွင် နှင့် ဇနီး ဒေါ်မြမြ၀င်း တို့အား အမှူးထား၍ ၀န်းထမ်းမိသားစုများ၏ ပေါင်းစုကုသိုလ်ဖြစ်ပါသည်။
ဆင်တဲ က အရိယာ မဂ္ဂသန္တိသုခ စေတီတော်
ဆင်တဲ မှ အရိယာ မဂ္ဂသန္တိသုခ စေတီတော်သည် ဆုတောင်းပြည့် သိမ်ကုန်းဘုရားကြီး ကုန်းမြေပေါ် တွင်တည်ရှိသည်။ သိမ်ကုန်းဘုရားကြီးတွင် သီတင်းကျွတ်မီးထွန်းပွဲတော်များ၊ ကထိန်းပဒေသာပင်ပွဲများ၊ ၀န်ထမ်းမီသားစုများအတွက် ပျော်ပွဲရွှင်ပွဲများ၊ ရှုပ်ရှင်ပြသခြင်းများ နှင့် ထမင်းနဲထိုးခြင်းများ ပြုလုပ်လေ့ရှိသည်။ စေတီတော်ကို ဘုရား၏ ဘေးဘက်တွင် ကပ်လျက် တည်ဆောက် ကိုးကွယ်ထားသည်။ ဆုတောင်းပြည့် သိမ်ကုန်းဘုရားကြီးကို ဓမ္မဝိဟာရဓမ္မာရုံ အတွင်းတွင် ဖူးတွေ့နိုင်သည်။
ဆင်တဲ ဆုတောင်းပြည့် သိမ်ကုန်းဘုရားကြီး ဓမ္မဝိဟာရဓမ္မာရုံ
ဆင်တဲ က ဆုတောင်းပြည့် သိမ်ကုန်းဘုရားကြီး
ဘုရားနှင့်စေတီ၏ မြေနေရာအ၀န်းသည် ဘောလုံးကွင်းတစ်ကွင်းခန့် အကျယ်ရှိသည်။ ဆင်တဲ ကလေးထိန်း မူကြိုကျောင်းနဲ့ မြေချင်းထိဆက် လျက်ရှိသည်။ ဘုရားမျက်နှာချင်းဆိုင်တွင် ကွန်ကရစ်လမ်းတစ်ခု ရှိသည်။ ထို လမ်းမှနေ၍ ဆင်တဲ အမှတ်(၁) လယ်ယာသုံးစက်ပစ္စည်း ထုတ်လုပ်မှုစက်ရုံ ( လယ်/စက် – ၁ ) သို့ တည့်တည့်ဆင်းသွားလျှင် ယောင်္ကျားခြေလှမ်းဖြင့် ၅ မိနစ်အတွင်း ရောက်နိုင်သည်။ လမ်းတစ်ဘက်တွင် အပျိုဆောင် တစ်ဆောင်လည်းရှိသည်။ ဟိုဘက် ဒီဘက် ထိပ်တွင် စက်ရုံဝန်ထမ်းနှင့် အရာရှိအိမ်ယာ များဖြစ်သော ၈ ထောင်တန်လိုင်း နှင့် ၁၂၀၀၀ တန်လိုင်း တို့ရှိသည်။ ဘုရား၏ ဘေးဘက်နဲ့ အနောက်ဘက်တွင် ကျွန်း၊ သရက်တောအုပ်ငယ် ရှိပြီး အဲဒီနောက်ဘက်တွင် လူနေအိမ်ယာများ ရှိသည်။
ယခုအခါ ဘုရားဖူးသူ၊ အမျိုးမျိုးသော (၁၁) မီး ကြောင့် ယတြာချေ လာသောသူ၊ စိတ်အပန်းဖြေလာသူတို့ သည် ဘုရားနှင့် စေတီတော်ကြီးသို့ အလင်းသင့်သလို လာရောက်ဖူးမျှော် လျက်ရှိပါသည်။ ရာသီဥတုကောင်းသော ညချမ်းချိန်ခါ များတွင်လည်း လူမပျက်ပဲ ဘုရားဖူးသူ အချို့ကို တွေ့မြင်ရသည်။
ဘုရားသို့ ကျွန်းပင်များကြားမှ မှောင်ရီပျိုးစဉ် မြင်ကွင်း
အရိယာ မဂ္ဂသန္တိသုခ စေတီတော်တွင် ကဗျည်းမော်ကွန်းစာ နှင့် သြ၀ါဒပါတိမောက် ဓမ္မစေတီကျောက်စာတော် တို့ ကို လည်း ရေးသားမှတ်တန်းတင်ထားသည်။
|
၁။ ခန္တီပရမံ တပေါတိတိက္ခာ၊ နဗ္ဗာနံ ပရမံ ဝဒန္တိဗုဒ္ဓါ။ န ဟိ ပဗ္ဗဇိတော ပရူပဃာတီ၊ န သမဏော ဟောတိ ပရံဝိဟေဌယန္တေ။ ၂။ သဗ္ဗပါပဿ အကရဏံ၊ ကုသလဿ ဥပသမ္ပဒါ။ သစိတ္တ ပရိယောဒပနံ၊ ဧတံ ဗုဒ္ဓါနသာသနံ။ ၃။ အနုအဝါဒေါ အနုပဃာတော၊ ပါတိမောက္ခေ စ သံဝရာ။ မတ္တညုတာ စ ဘတ္တသ္မိံ ၊ ပန္တဉ္စသယနာသနံ။ အဓိစိတ္တေ စ အာယောဂေါ၊ ဧတံ ဗုဒ္ဓါနသာသနံ။ |
Posted in ဆင်တဲစာမျက်နှာ, အထွေထွေသတင်း | 
Tags: ဆင်တဲပုံရိပ်, ဆင်တဲသတင်း, ဗုဒ္ဓဘာသာဆိုင်ရာ | 
15 Comments »
ဆရာတော် ဦးဇောတိက – အကျိုးရှိရဲ့လား တရားတော်
လူတွေထင်တာက ဥာဏ်ရှိတဲ့ လူတွေပဲ တစ်ခုခု လုပ်မယ် ဆိုရင်တော့ အကျိူးရှိတာပဲ လုပ်မှာပေ့ါလို့ ဒီလိုထင်တယ်။ လူတွေဟာ ဥာဏ်ရှိတဲ့ သတ္တဝါ ဖြစ်တာတော့ မှန်တယ်။ ဒါပေမယ့် စိတ်အလိုလိုက်၊ လောဘ အလိုလိုက် ပြီးတော့ အကျိုးမရှိတာတွေ အများကြီး လုပ်တယ်။ အဲဒါကြောင့် ဘဝရဲ့ အရည်အသွေး နဲ့ အဆင့်အတန်း မြင့်မားမှုကို လိုလားတဲ့ သူ၊ တရား အားထုတ်မယ့် သူဆိုရင် ဘယ်အလုပ် လုပ်လုပ် အကျိုးရှိ မရှိ ဆိုတာကို လေးလေးနက်နက် စဉ်းစား သင့်တယ်။
Man does not always behave rationally at all.
လူသားဟာ အင်မတန် ဥာဏ်ရှိတဲ့ သတ္တဝါ ဖြစ်တယ်နော်။ အကြာင်း အကျိုး ကို နက်နက်နဲနဲ ဆင်ခြင် နိုင်တဲ့၊ သိနိုင်တဲ့ သတ္တဝါ ဖြစ်ပေမယ့် လည်းပဲ မဆင်ခြင်ဘူး။ အကျိုးရှိ မရှိကို တကယ် မစဉ်းစားဘူး။ စိတ်လိုက် မာန်ပါ လုပ်တတ်တယ်။ အချို့လည်း အကျင့် ပါသွားပြီး လုပ်တာရှိတယ်။ တချို့လည်း ပတ်ဝန်းကျင်က လုပ်တာကို လိုက်လျောရင်းက အားနာပါးနာနဲ့ လုပ်တာရှိတယ်။ နောက်တစ်ခုက ပျင်းတာလည်း ပါတယ်။ တစ်ခါတစ်လေ ပျင်းတာနဲ့ ကိုပဲ လုပ်သင့်တဲ့ အလုပ်ကို မလုပ်ပဲ နေလိ်ုက်တာ ရှိတယ်နော်။မလုပ်သင့်တဲ့ အလုပ်ကို မလုပ်ပဲ နေတာကလည်း အကျိုး ရှိမရှိကို ဆင်ခြင်ပြီး မလုပ်ပဲ နေလိုက်တာနော်။ လုပ်သင့်တဲ့ အလုပ်ကို ဒါအကျိုးရှိတဲ့ အလုပ် ဆိုပြီး ဆင်ခြင်ပြီး လုပ်ရမှာနော်။
ကိုယ်ဘဝ အခြေအနေ ပေးရင်ပေး သလောက် စိတ်အေးချမ်းအောင် အသိဥာဏ် ကောင်းသထက် ကောင်းအောင် ကြိုးစားပြီး လုပ်တဲ့ အကျင့်ကို ငယ်ငယ်ကတည်းက လုပ်သင့်တယ်။ အဲဒီလို ငယ်ငယ်ထဲက လုပ်ရင် သိပ်အသက်မကြီး သေးခင်မှာပဲ စိတ်နေ သဘောထားကော အသိဥာဏ်ကော အများကြီး လေးနက် ရင့်ကျက် သွားလိမ့်မယ်။ တစ်ဘဝစာဟာ နှစ်ဘဝစာ လောက် ဖြစ်သွားလိမ့်မယ်။
တစ်ခုခု လုပ်တော့မယ် ဆိုရင် ကိုယ်ရဲ့ အမြင့်မြတ်ဆုံး အမြင့်ဆုံး ရည်မှန်းချက်က ဘာလဲ၊ အဲဒါကို ထည့်စဉ်းစား ရမယ်နော်။ တစ်ယောက်နဲ့ တစ်ယောက်တော့ မတူနိုင်ဘူး။ အသက်အရွယ် လိုက်ပြီးတော့ တူမှာ မဟုတ်ဘူး။
ဥပမာ ။ ။ ကျောင်းနေတဲ့ အရွယ်ဆိုရင် သူ့ကျောင်းစာကို သေသေချာချာ ကျေညက်ဖို့က သူ့အတွက် အင်မတန် အရေးကြီးတဲ့ ရည်မှန်းချက်ပဲ။ တရား အားထုတ်တယ် ဆိုရင်လည်းပဲ တရားဘက်က တိုးတတ်မှု ရှိဖို့က သူ့အတွက် ရည်မှန်းချက် တစ်ခုပဲ။ အခြေအနေကို လိုက်ပြီးတော့ အသက်အရွယ်ကို လိုက်ပြီးတော့ ရည်မှန်းချက်တော့ မတူဘူး။
ငယ်ငယ်ကတည်းက အဲဒီလိုသာ ဆင်ခြင်မယ်ဆို တော်တော် လေးနက်တဲ့ ရင့်ကျက်တဲ့ စိတ်နေ သဘောထားကော၊ အသိဥာဏ်ကော၊ ပညာ အရည်အချင်းကော၊ ပြောပုံဆိုပုံကော၊ ဘယ်နေရာမှ မကျန်အောင် တိုးတတ်တဲ့လူတွေ ဖြစ်လာမှပဲ။ အဲသလို ဖြစ်လာရင် ပတ်ဝန်းကျင်က ကိုယ့်ကို ထိုက်သင့်တဲ့ နေရာပေးမှာ ပဲနော်။ ပတ်ဝန်းကျင်ဆိုတာ ကိုယ်နဲ့ တန်ရင် ကိုယ့်ကို နေရာပေး ပါတယ်။
ကိုယ်ကသာ တကယ် စည်းနဲ့ ကမ်းနဲ့ ကိုယ်ဘဝကို နေမယ်။ လုပ်သင့်တာ လုပ်မယ်။ မလုပ်သင့်တာ မလုပ်ဘူး။ ပြောသင့်တာကို ပြောမယ်။ မပြောသင့်တာကို မပြောဘူး။ တရားနဲ့ အညီနေမယ်။ စိတ်ချမ်းချမ်း သာသာ နေမယ်။ စိတ်တည်တည် ငြိမ်ငြိမ် နေမယ်ဆိုရင် ပတ်ဝန်းကျင်က ကိုယ့်ကို လေးစား လာမှာပါ။
မိမိကိုယ်ကို ချစ်တတ်တဲ့သူ၊ လေးစားတဲ့သူ၊ ယုံကြည့်တဲ့သူ၊ အားကိုးတဲ့သူ၊ တန်ဖိုးထားတဲ့သူ၊ ဖြစ်ဖို့လည်း အရေးကြီးပါတယ်။ ဒါကြောင့် ဘယ်ဟာကိုမှ ပေါ့ပေါ့တန်တန် မလုပ်ပါနဲ့နော်။ သတိနဲ့ လုပ်ပါ။ ဥာဏ်လေးနဲ့ ယှဉ်ပြီးလုပ်ပါ။ သတိနဲ့ ဥာဏ်နဲ့ ယှဉ်ပြီးလုပ်ရတာ အစမှာ နည်းနည်းတော့ ပင်ပန်းသလို လေးလံသလို ဖြစ်ပါတယ်။ ဒါပေမယ့် အလေ့အကျင့်လေး ရသွားရင်တော့ လုပ်ရတာ စိတ်ပေါ့ပါး ကြည်လင်ပြီး ကိုယ်ကိုယ်ကိုပါ လေးစားမှု ရှိပြီးတော့ ကျေနပ်မှု အများကြီး ရပါတယ်။ အင်မတန် အကျိုးရှိပါတယ်။
ဒီ တရားတော်လေးက ဆရာတော် ဦးဇောတိက ဟောခဲ့တဲ့ အကျိုးရှိရဲ့လား တရားတော်ထဲ က ကောက်နှုတ်ထားတာ ဖြစ်ပါတယ်။ တရားတော် တစ်ပုဒ်လုံးကို တော့ အောက်က အဆင်ပြေတဲ့ လင့်မှာ ဒေါင်း၍ နာယူနိုင်ကြပါတယ် ခင်ဗျာ…
ဒေါင်းရန် ။ ။ 43.6 MB
ဇရာ
ရွာတော့မယ့် မိုးတိမ်လို
တလိမ့်လိမ့် ၊ တသိမ့်သိမ့် …
စီးဆင်းဆဲ ရေတံခွန်လို
တဝေါဝေါ ၊ တသောသော …
လောင်ကျွမ်းဆဲ တောမီးလို
တမြေ့မြေ့ ၊ တရွေ့ရွေ့ …
လောက်အုံတဲ့ အပုတ်ကောင်လို
တရွရွ ၊ တမွမွ …
ချိန်ခါမလပ် တရစပ်
ရုပ်နာမ်ခန္စာတွေ ပြိုနေပုံက
တလိမ့်လိမ့် ၊ တသိမ့်သိမ့်
တဝေါဝေါ ၊ တသောသော …
နုပျိုခြင်းတွေ ပြိုနေပုံက
တမြေ့မြေ့ ၊ တရွေ့ရွေ့
တရွရွ ၊ တမွမွ နဲ့
သြော် …
ကျနော် …
လူ ပြို ကြီး ပါလား …
ဒီ တရားကဗျာလေးကို မွေးဖွားရေးသားသူက ရေသန့် လို့ခေါ်ပါတယ်။ အနှစ်သာရ ရှိလှတဲ့ တရားကဗျာလေး နှင့်အတူ မိတ်ဆက်လိုက်ပါတယ်။
ကျွန်တော်တို့ ဆင်တဲကဖေး ဆိုဒ်ကလေးနဲ့ ပတ်သက်ပြီး အွန်လိုင်းပေါ်မှာ တွေ့ဖြစ်ခဲ့ကြတဲ့ ဆင်တဲသား တစ်ယောက်ပါခင်ဗျာ။
Edit on 5.June.10 by ပေါ့ဆိမ့် >>> ဒီပို့စ်လေး တင်ခဲ့စဉ် အချိန်က ရေသန့် ဟာ ဆင်တဲကဖေး ရဲ့ မိတ်ဆွေ ဧည့်သည် တစ်ယောက် ဖြစ်ပါတယ်။ ယ္ခုတော့ ရေသန့် ဟာ ဆင်တဲကဖေး ရဲ့ အဖွဲ့ဝင် တစ်ယောက် ဖြစ်လာခဲ့ ပါပြီ။ သူရဲ့ ဒီ ပို့စ်လေးဟာ သူရဲ့ ရေသန့် ထဲမှာပဲ ရှိသင့်လို့ ကျွန်တော် လွဲပြောင်းပေး လိုက်ပါတယ်။
သူတော်ကောင်း တရား ၁၀ – ပါး
သူတော်ကောင်းတို့ ကုသိုလ်ကောင်းမှု ပြုကျင့်ရာဖြစ်သော
ပုညကြိယာ ၀တ္ထု ၁၀-ပါး
၁။ ဒါန၊ စွန့်ကြဲ ပေးကမ်း လှူဒါန်းခြင်း။
၂။ သီလ၊ ကိုယ်ကျင့်သီလ ကောင်းအောင် စောင့်ထိန်းခြင်း။
၃။ ဘာဝနာ၊ ကမ္မဋ္ဌာန်းတရားအားထုတ်ခြင်း။
၎။ အပစာယန၊ ရိုသေထိုက်သူတို့ကို ရိုသေခြင်း။
၅။ ဝေယျာဝစ္စ၊ ကုသိုလ်ရေးတို့၌ ပါဝင်ဆောင်ရွက်ခြင်း။
၆။ ပတ္တိဒါန၊ မိမိပြုလုပ်သောကုသိုလ်ကို သူတစ်ပါးအား အမျှပေးဝေခြင်း။
၇။ ပတ္တာနုမောဒနာ၊ သူတစ်ပါး ပြုလုပ်သောကုသိုလ်ကို ၀မ်းမြောက်ခြင်း။
၈။ ဓမ္မဿဝန၊ သူတော်ကောင်းတရား နာကြားခြင်း။
၉။ ဓမ္မဒေသနာ၊ လာဘ်ကိုမငဲ့ကွက်ဘဲ သူတော်ကောင်းတရား ဟောကြားခြင်း။
၁၀။ ဒိဋ္ဌိဇုကမ္မ၊ အယူကို ဖြောင့်မတ် မှန်ကန်စွာယူခြင်း။
ပုညကြိယာဝတ္ထု ၁၀-ပါး
fromး ဗုဒ္ဓဓမ္မဦးလောကနာထ
အို ဗုဒ္ဓဘာသာနွယ်ဝင် သူတော်စဉ်အပေါင်းသူငယ်ချင်းတို့
ဗုဒ္ဓဘုရား ပွင့်ငြားပေါ်လာ၊
ဟောကာညွှန်ကြား တရားဒေသနာ၊
အကုသလ ကုသလဓမ္မာ၊
သိခွင့်ထူး ကျေးဇူးကြီးလှတာ။
ဘုရားဂုဏ်ထူး ကျေးဇူးကိုရှာ၊
ဘယ်လိုနည်းနဲ့ အပြီးဆပ်မှာ၊
ပရိယတ်နှင့် ပဋိပတ်နှစ်ဖြာ၊
မပြတ်ပွား ဆပ်ငြားကျေးဇူးသာ။
သာသနာထဲ ကြုံခဲကြုံလာ၊
ကြုံပါသော်လဲ ပြုခဲပေရှာ၊
သတိရလို့ သိကြသော်သာ၊
ခွင့်သာခိုက် ပြုလိုက်သာသနာ။
လူ့ဘုံဘ၀ ဖြစ်ရလူမှာ၊
ရတနာသုံးရပ် ဆည်းကပ်မကွာ၊
ကျင့်ကြံမလပ် ၀ိပဿနာ၊
မဂ်ခရီး အပြီးဆိုက်တော့မှာ။
မဂ္ဂင်ရှစ်ပါး တရားစဉ်လာ၊
နိဗ္ဗာန်သွားတဲ့ ရထားယာဉ်ပါ၊
နေ့စဉ်စီး၍ ခရီးတွင်စွာ၊
ကျန်းမာခိုက် အားတိုက်နှင်စမ်းပါ။
fromး ဗုဒ္ဓဓမ္မဦးလောကနာထ
တင်ဆက်သူ – ကျဆိမ့်(ဆင်တဲကဖေး)