Posts Tagged ‘ဆင်တဲရင်တွင်းစကား’
ဟက်ပီဘတ်ဒေး အင်တာဗျူး
January 13th, 2012 | 
Author: ဒီတစ်ပါတ် အတွင်းမှာရောက်လာမဲ့ မောင်ပုံမှန်ရဲ့ မွေးနေ့ကို မောင်ပုံမှန် ကိုယ်တိုင်တောင် သတိတရ မရှိခဲ့ပါဘူး။ အလုပ်ခွင်ထဲမှာ ဘီးဇီးတွေ တအားပြနေတာလည်း တစ်ကြောင်းပေါ့။ တစ်နေ့ကမှ မောင်ပုံမှန်ရဲ့ ဘော်ဘော် တစ်ယောက်က သတိတရနဲ့ လာမေးပြီး သတိပေးလာပါတယ်။
“ဘာလိုလို နဲ့ ကိုပုံမှန် မွေးနေ့တောင်ရောက်လာတော့မယ်နော်တဲ့”
အောင်မာ.. ရုတ်တရက် ဆိုတော့ ဝမ်းသာတော့ မလိုတောင် ဖြစ်သွားသေးတယ်။ ငါ့မွေးနေ့ကို သတိတရ ရှိတဲ့သူတောင် ရှိနေတယ်ပေါ့.. သူ့အမေးကြောင့် ရင်လေးကော့ မလိုလုပ်နေတုန်း.. သူဆက်ပြောလိုက်တဲ့ စကားကြောင့် ကော့မလိုလုပ်နေတဲ့ ရင်လေးတောင် ပြန်ပိန်သွားပါတယ်။
“ဒီနှစ်ရော ဘာဝါးရမှာလဲ”
တဲ့… ပြောပုံက.. ဟင့် စိတ်နာချင်စရာ။ မောင်ပုံမှန် က ငယ်ငယ်ကတည်းက မွေးနေ့ရောက်ပြီဆိုတာနဲ့ အိမ်မှာ မုန့်ဟင်းခါး၊ ခေါက်ဆွဲ တစ်ခုခုလုပ် ဘော်ဘော်တွေဖိတ်ပြီး ဘတ်ဒေးလုပ်နေကြ ကြီးလာတော့လဲ ငယ်ငယ်တုန်းကလိုပဲ တစ်ခုမဟုတ် တစ်ခုလုပ်နေကြ ဒီလိုမှ မလုပ်ဖြစ်ရင် အသက်တစ်နှစ်ကြီးလာတာကို ကိုယ့်ဘာသာလုံးဝ အသိမှတ်မပြုဘူး။ မောင်ပုံမှန်က နှစ်တိုင်း တစ်ခုမဟုတ် တစ်ခုကျွေးနေကြဆိုတော့ ဒီငတိကလည်း ဒီနှစ် အတွက်ဘာများ ဝါးရမလဲဆိုပြီး လာစပ်စုတာ ဘာရမလဲ မောင်ပုံမှန် ကလဲ ဒီငတိကို ပြန်ရစ်ပေးလိုက်တာပေါ့။
“အေးကွာ ကျန်တဲ့ သူတွေကို ဘာကျွေးဖြစ်မလဲတော့မသိဘူး မင်းကိုတော့ ငါကိုယ်တိုင် ခေါက်ဆွဲကြော် ကြော်ကျွေးမယ်ကွာ ကြက်သားများများနဲ့ ကြက်အသဲ အမြစ်ပါထည့်ပြီး ရှယ်ကြော်ကျွေးမယ်” မောင်ပုံမှန် ၏ မက်လုံးကြောင့် ငတိခမျာ မျက်လုံးများ အရောင်တောက်သွားလေရှာ၏။
“အေးဒါပေမဲ့ ..မင်းငါ့ကိုတော့ အင်တာဗျူးပေးရမယ်… ဟက်ဟက်..” မောင်ပုံမှန်ရဲ့ နောက်ဆက်တွဲ စကားကြောင့် ငတိ ခမျာကြောင်စီစီ ဖြစ်သွားရရှာလေ၏။
“ဘာရယ်… အင်တာဗျူးပေးရမယ်… ဘာဖြစ်လို့ ဗျူးပေးရမှာလဲ… ခင်ဗျားက နာမည်ကြီး အနုပညာရှင်လဲ မဟုတ် အားကစားသမားလဲ မဟုတ်ပဲနဲ့ ဘာလို့ ဗျူးရမှာလဲ..”
ဟုကြောင်စီစီဖြင့် ပြန်မေးလေ၏။ သို့သော်… ထွက်ပြီးသား သွားတိုက်ဆေး ဟူသည် ဘူး အတွင်းသို့ ပြန်ဝင်ရိုးထုံးစံမရှိ။ ဝယ်ပြီးသား ပစ္စည်း ဟူသည် ဆိုင်တွင်ပြန်လဲ၍ မရရိုးထုံးစံတို့ ရှိသလိုပင် မောင်ပုံမှန်၏ ပြောပြီးသား စကားတို့သည်လည်း ပြန်ပြင်ရိုး ထုံးစံမရှိပါလေ။ ထို့ကြောင့် ထိုငတိကို မောင်ပုံမှန်တစ်ယောက် ပြင်းထန်သော ရာဇသံပေးရချေတော့၏။
“ကဲ..ကဲ.. ကိုယ့်လူ… ငါပြောသလို အင်တာဗျူးပေးရင်တော့ ခေါက်ဆွဲကြော်စားရမယ် ပြောသလို ဗျူးမပေးရင်တော့ ငတ်ပြီသာမှတ်ပေတော့…”
မောင်ပုံမှန်၏ ရာဇသံ အဆုံးမတော့ ကြက်သားနိုင်းချင်းနှင့် ကြော်ထားသော ခေါက်ဆွဲကြော်ကို မျက်စိထဲက မထုတ်နိုင်ရှာသော ငတိတစ်ယောက် အင်တင်တင် နှင့် မျက်စိစုံမှိတ်ပြီး သဘောတူရရှာလေတော့၏။
မောင်ပုံမှန် ၏ ဘော်ဒါ ငတိဆိုသူမှာလည်း ခေသူတစ်ယောက်တော့ မဟုတ်ချေ။ (သူ့ကိုယ်သူ) နာမည်အတော်ရနေပြီဟု သတ်မှတ်ထားသော ဘလော့ကာ တစ်ယောက်ဖြစ်လေ၏။ “ဒဗလှူ ဒဗလှူ ဒေါ့ ငတိဘာညာကွိကွ ဘလော့စပေါ့ ဒေါ့ကွန်းဆိုရင် မသိသူ ဘလော့ကာ မရှိဆိုပဲ… ဘလော့ကာ တစ်ယောက်လုပ်နေပြီး ငတိကိုမှ မသိရင် အွန်လိုင်းမတက်နဲ့ ဆိုရလောက်အောင် အတော်ပေါက်နေတယ်လို့ ပြောကြတာပဲ အပြင်မှာ တွေ့ရင်နှုတ်ဆက်လို့ရအောင် ဖက်စဖွတ်မှာတောင် သူ့ပုံကြီးကို သွားအဖြီးသားနဲ့ ခန့်ခန့်ကြီး တင်ထားလိုက်သေးတယ်။
သူ့ဘလော့မှာ ဘာတွေတင်ထားလဲလို့ မေးရင်တော့ သူအလကား သွားစားထားခဲ့ဖူးတဲ့ မွေးနေ့တို့ အလှူတို့မှာ အလှူ့ရှင် မမတွေနဲ့ တွဲရိုက်ထားတဲ့ စပ်ဖြီးဖြီး ပုံကြီးတွေကို တဝကြီးခံစားနိုင်မှာ ဖြစ်ပါတယ်။ အမျိုးသမီး ဘလော့ကာ တွေအကြောင်းတော့ ဘာသိချင်လဲ ငတိကိုသာ သွားမေးဆိုတဲ့ လူမျိုးပေါ့။ တစ်ခါတစ်လေ ရေးစရာမရှိရင် ဘလော့ဂါမလေးတွေ ခြေသည်း လက်သည်း ကျိုးတာတောင် သတင်းလုပ်ရေးတတ်တဲ့ သူမျိုး ဆိုလဲမမှားပါဘူး သတင်းစုံ ဘလော့ကာကြီး ပေါ့။
အဲဒီမှာ စတွေ့တော့တာပါပဲ။ သတင်းစုံ ဘလော့ငတိနဲ့ ဘတ်ဒေး သတင်းတင်ချင်နေတဲ့ မောင်ပုံမှန်နဲ့ ပေါ့ဗျာ။ ဒီငတိက မောင်ပုံမှန် မွေးနေ့ရောက်တိုင်း ခပ်တည်တည် နဲ့ လာဝါးနေကျ ပြီးရင် မေ့ပြစ်တတ်တဲ့ ငတိမျိုး ဒီတစ်ခါတော့ မောင်ပုံမှန်ကလည်း ဘယ်အမေ့ ခံလိမ့်မလဲ။ မှတ်လောက် သားလောက်အောင် အင်တာဗျူးခိုင်းပြီး ဒင်း ဘလော့မှာ တင်ခိုင်းမယ်ဆိုပြီး ဇွတ်အတင်း လုပ်တော့တာပဲ။ အဲဒီမှာ ငတိတစ်ယောက် အစားတစ်လုတ် အတွက်နဲ့ ပျားတုပ်တော့တာပါပဲ။ မောင်ပုံမှန် ရဲ့ ဇွတ်လုပ်ရပ်ကြောင့် ငတိတစ်ယောက် ငှက်ပျောသီး ခိုးမှု့နဲ့ ထောင်ဒါဏ် အနှစ်နှစ်ဆယ် အပြစ်ပေးခံလိုက်ရတဲ့ မျောက်အိုကြီးလို ငေးမှိုင်နေပါတော့တယ်။ ပြီးမှ “ဘာဗျူးရမှာလဲဗျ ဘာတွေမေးရမှာလဲ” ဆိုပြီး မျက်နှာ အိုကြီးနဲ့မေးပါတယ်…
“အာကွာ… မင်း အတော်တုံးတဲ့ကောင်ပဲ ဒါလေးတောင်မသိဘူးလား.. သွားအိမ်ပြန်ပြီး ဂျာနယ် အဟောင်းလေးတွေ ပြန်ရှာဖတ်ပြီး အနုပညာသမားတွေကို ဗျူးထားတဲ့ ဟာလေးတွေ ရှာကြည့်လိုက်… သူများတွေ ဘယ်လို ဗျူးထားတယ်ဆိုတာ သိရအောင်လို့ ဟင်း..ဟင်း..မပြောချင်ပါဘူး..နုံချက်ကတော့..”
ဆိုပြီး မခံချင်အောင် ခပ်ငေါက်ငေါက်လေးပြောလိုက်တော့ ငတိခမျာ မရှိမဲ့ ရှိမဲ့ မာနလေး ထိခိုက်သွားရှာပုံရပါတယ်။
“ဒီလောက်တော့ အထင်မသေးပါနဲ့ဗျာ.. သူတို့တွေဗျူးနေကြ ခေါက်ရိုးကျိုးတွေလို ပုံစံမျိုးဆိုလို့ကတော့ ခုဗျူးခိုင်းရင် ခုရပါတယ်” ဆိုပြိးပြောရှာပါတယ်။
ဂလိုနှင့် ငတိနှင့်မောင်ပုံမှန်တို့၏ ဗျူးပွဲကြီး စတင်ပါတော့တယ်။ မောင်ပုံမှန်ကလဲ သိတယ်မလား တက်သစ်စ အနုပညာသမားလေးများလိုပဲ ဟုတ်ဟုတ် မဟုတ်ဟုတ် အရမ်း အရမ်းကို ဖြေချင်နေတာလေ.. ဟိဟိ။ ပထမဆုံး သူစမေးတာက “ဒီနှစ်မွေးနေ့ရက်မှာ ဘာလုပ်မလဲ” တဲ့… (သူမေးချင်တာက ခေါက်ဆွဲကြော်၊ကြာဇံကြော်၊မုန့်ဟင်းခါး တစ်ခုခုပေါ့ ဝါးဇယားကို မေးတာပါ)
မောင်ပုံမှန်ကလဲ သိတယ်မလား.. “အင်း……….ဒီနှစ်တော့…စိုင်းစိုင်းလိုပဲ ဘတ်ဒေးရှိုးလုပ်ပြီး အခွေထုတ်ရင် ကောင်းမလားလို့.. မေးစေ့လေးပွတ်ပြီး ငကြွားမလေး နန်းဆုရတီစိုး လို ခပ်ကြွားကြွားလေး ဖြေလိုက်ရာ ငတိတစ်ယောက် မျက်နှာတစ်ခွင်လုံး ရှုံမဲ့သွားလေတော့၏။ သို့သော် ခေါက်ဆွဲကြော် မျက်နှာကိုထောက်ပြီး
“အင်း…အင်း.. သဘောပဲလေ” ဟု အလိုက်သင့် ပြောရှာလေ၏။
ငတိ ။ ။ ဒါနဲ့ ဘယ်နှစ်နှစ်မြောက်မွေးနေ့လဲ မသိဘူးနော်….
မောင်ပုံမှန် ။ ။ ကြောဘူး..တတ်ရင်တတ်…ဟီ.ဟီ.. အနုပညာသမားလေကွာ.. ဆယ့်ငါးနှစ် ကျော်လောက်ကတည်းက အသက်ကို မှတ်မထားတော့တာ…
ငတိ ။ ။ ဘယ်တုန်းကများ အနုပညာသမားဖြစ်သွားတာလဲ…
မောင်ပုံမှန် ။ ။ ကြာဘီလေ စာတစ်တန် ပေတစ်တန် မောင်ပုံမှန် ဆိုတဲ့ ဘွဲ့နဲ့လေ။ ကိုယ့်ဘာသာ ပေးထားလိုက်တာလေ မပိုင်ဘူးလား ငှဲငှဲ.. ငှဲ.
ငတိ ။ ။ မွေးနေ့မနက် ရောက်လို့ အိပ်ရာက နိုးလာတာနဲ့ ဘာလုပ်မယ် စိတ်ကူးထားလဲ…
မောင်ပုံမှန် ။ ။ အာ… မျက်နှာသစ်.. သွားတိုက်၊ အိမ်သာတက် ရမှာပေါ့ ဘာလုပ်ရမှာလဲ… မွေးနေ့ ရောက်တာနဲ့ပဲ ဘာမှ မလုပ်ရတော့ဘူးလား.. ဟွန်း…
ငတိ ။ ။ ဟယ်… မဆိုလိုပါဘူး.. မဆိုလိုပါဘူး… အင်း.အင်း.. သဘောပဲဗျာ.. ဟူး… ဒါနဲ့ ကိုပုံမှန်က တစ်ခြား အနုပညာသမားတွေလို မဟုတ်ဘူးနော်။ ဥပမာ ဗျာ မွေးနေ့မနက်ခင်းကို ရောက်တာနဲ့ ဟို စိတ်ကူးယဉ်လေးပေါ့ မနက်ခင်းလေးမှာ နိုးလာတာနဲ့ ချစ်သူကောင်မလေးဆီက ဖုန်းသံလေးကို စောင့်နေမယ်.. နောက်ထပ် သူပို့လာမယ့် မွေးနေ့ လက်ဆောင်လေးကို စောင့်ရင်း ရင်ခုန်နေမယ်… စသဖြင့် ပေါ့ဗျာ… ကျွန်တော် ဆိုလိုချင်တာက.. အဲဒါ.. အဲဒါမျိုး…
မောင်ပုံမှန် ။ ။ ဘာရယ်… ကောင်မလေးဆီက ဖုန်းသံကို မျှော်ရမယ်… အောင်မာ တကယ်လို့ ငါ့မှာ ကောင်မလေးမရှိရင် မင်းကရှာပေးမှာ မိုလို့လား… အပိုတွေ… (မောင်ပုံမှန်၏ အဖြေ စကားများကြောင့် ငတိတစ်ယောက် လွန်စွာမှပင် စိတ်နာလှသော်လည်း ခေါက်ဆွဲကြော် မျက်နှာကို ထောက်ပြီး ကြိတ်မှိတ်ကာ သီးခံလေ၏။)
ငတိ ။ ။ မွေးနေ့မှာ ဘယ်ကို လျှောက်သွားဖို့ ရှိလဲ သွားရင်လဲ သူငယ်ချင်းတွေ နဲ့လား ဒါမှမဟုတ် မိသားစုနဲ့လား…
မောင်ပုံမှန် ။ ။ အင်း.. အဲဒီနေ့မှာ ရှိုးပွဲတွေ ပြောထားတာတော့ ရှိတယ် ဘယ်မှာ ဖြစ်မလဲ တော့မသိဘူး…
ငတိ ။ ။ ဟယ်.. ရှိုးပွဲတွေရှိတယ် ဆိုတော့… စတိတ်ရှိုးလား၊ မော်ဒယ်ရှိုးလား ဘာရှိုးပွဲလဲဟင်… သတင်း လာယူရအုံးမလား… မောင်ပုံမှန် ။ ။ ဟုတ်ပါဘူး… ရှိုးပွဲဆိုတာ ဖဲရိုက်တဲ့ ရှိုးကိုပြောနေတာ.. ဟက်..ဟက် ဆင်တဲတစ်ဘက်ကမ်း ပြည်မြို့မှာဆိုရင်တော့ ကျောင်းသားတွေပေါတဲ့ သရက်တောရပ်ကွက်က အဆောင်တွေဖြစ်ဖြစ်၊ GTC အဆောင်တွေ ဖြစ်ဖြစ် တစ်နေရာမှာ ရှိနေမှာပါ။ တကယ်လို့ ရှိုးပွဲမရှိလို့ မသွားဖြစ်ရင်လဲ နုတ်ခမ်းမွှေး ဆိုင်(ဆင်တဲ၌ရှိသော နုတ်ခမ်းမွေး ကွမ်းယာနှင့်ရှက်ကီဆိုင်) မှာပဲ ဘီအီး တစ်ပိုင်းမှာပြီး ဝက်စွပ်လေးနဲ့ ငြိမ့်နေလိုက်တော့မယ်လေ။
ငတိ ။ ။ မွေးနေ့မှာ နိုင်ငံခြားတို့ ဘာတို ကိုရော သွားလည်ဖို့ ရှိသေးလား ရှော့ပင်းထွက်ရင်းပေါ့…
မောင်ပုံမှန် ။ ။ သွားတော့ သွားချင်ပါတယ်… သူတို့ကလည်း ခေါ်နေကြတယ်… ဒါပေမဲ့ ………. (မောင်ပုံမှန် ၏ စကားမဆုံးခင်.. ငတိက ဝမ်းသာ အားရဖြင့်)
ငတိ ။ ။ ဘယ်သူတွေက ခေါ်နေတာလဲဟင် ဟိုမင်းသမီးလို ဂျပန်မှာ ကုမ္မဏီ ဖွင့်ထားတဲ့ အဖေကခေါ်တာလား။ ဟိုအဆိုတော်မလေးလို အင်္ဂလန်က အမျိုးတွေက ခေါ်တာလား ဟို.. အမေရီးကား မှာရော အမျိုးတွေ ရှိသေးလား…
မောင်ပုံမှန် ။ ။ ထွပ်… ဘာတွေ လျှောက်ပြောနေတာလဲ.. ဘယ်မှာမှ ဘာအမျိုးမှ မရှိဘူး ခေါ်နေတယ်ဆိုတာ ခရီးသွားအေဂျင်စီတွေက ကြော်ငြာပြီးခေါ်နေတာကို ပြောနေတာ အဲဒါ သွားချင်ပေမဲ့ ဘယ်သူမှ လိုက်ပို့မဲ့သူ မရှိလို့ ဘယ်နိုင်ငံမှ မသွားတော့ဘူး…
ငတိ ။ ။ ဟူး…. ပြီးဘီဗျာ မေးစရာ မရှိတော့ဘူး..
မောင်ပုံမှန် ။ ။ အော်.. မေးလို့ပြီးဘီလား.. ဒါဆို ဓါတ်ပုံရိုက်လေ
ငတိ ။ ။ ဟာ.. ဘာလဲဗျ … ဘာလို့ ရိုက်ရမှာလဲ
မောင်ပုံမှန် ။ ။ ဟယ်…ပုံပါထည့်ပေးလေ ဒါမှ မောင်ပုံမှန် ကို ပရိတ်သတ်တွေမြင်ဖူးမှာပေါ့ ဒါလေးတောင်မသိဘူးလား…
ငတိ ။ ။ ဟူး…. (ငတိတစ်ယောက် လွန်စွာလေးကန်လှ သောအသံကြီးဖြင့်) ဟုတ်ကဲ့ပါ…ဟုတ်ကဲ့ပါ… ဒါပေမဲ့ ကင်မရာက ခုပါမလာသေးလို့ နောက်နေ့မှ ဓါတ်ပုံက လာရိုက်ပေးမယ်နော်…
ဟုဆိုပြီး ငတိတစ်ယောက် လေးဖင့်သော ခြေလှမ်း အစုံဖြင့် ထွက်ခွာသွားလေတော့ သတည်း။ ဘယ်လိုပဲ ဖြစ်ဖြစ်လေ မောင်ပုံမှန် အဖို့ကတော့ ငတိ ထံမှ မွေးနေ့လက်ဆောင် တစ်ခု ရလိုက်ပြီလို့ သတ်မှတ်ရတော့ မှာပါပဲ။ အဲဒါကြောင့် တစ်ယောက်တည်း အားရပါးရ ထအော်လိုက်ပါတယ် …
ဟက်.. ပီ.. ဘတ်… ဒေး…
Posted in 
Tags: 
အဘွားပေးတဲ့ အမေ့နာမည်
ပြောရမယ်ဆိုရင်တော့ ကျနော့်တို့အဘိုးဟာ ရှေးအင်္ဂလိပ်မင်းများ လက်ထက်တုန်းက နှစ်လုံးပြူးကိုင်ရတဲ့ သူကြီး ကိုးဗျ….။အင်္ဂလိပ်ခေတ်က သူကြီးမို့လို့ သီဟတင်စိုး တော်လှန်ရေး ကားတွေထဲကလို ဗီလိန်သူကြီး မျိုးတော့ မဟုတ်ရရှာပါဘူး..။ရွာသားတွေက တကယ်ရွေးချယ်တင်မြှောက်ထားတဲ့ သူကြီး..။ အဘိုးနာမည်က ” ဦးလှဟန် တဲ့…….။
အဘွားကတော့ ရွာမှာ ကုန်စုံ ဆိုင်ဖွင့်ပြီး ဈေးရောင်းတယ်။ရွာနီး ချုပ်စပ်က ထွက်တဲ့ ဇီးသီး၊ ခရမ်းချဉ်သီး၊သံပုရာသီး စတဲ့ ကုန်တွေကို အိမ်မှာပဲ ၀ယ်တယ်..။ နောက်ရေနံချေးတွေ ၀နေတဲ့ ကျွန်းသားလှေ မည်းမည်းကြီးတွေနဲ့ ဧရာဝတီမြစ်ကိုဆန်ပြီး ပြည်မြို့ကို သွားရောင်းလေ့ရှိတယ်..။အဘွားဟာ အပြန်မှာ သူ့ဆိုင်အတွက် လိုအပ်တဲ့ ပစ္စည်းတွေ ကိုဝယ်ပြီးပြန်လာတတ်သတဲ့..။ကျနော်တို့ ရွာလေးက ပြည်မြို့ရဲ့အောက်ဘက် ဧရာဝတီ မြစ်ကမ်းနံဘေးက ရွာကလေးကိုးဗျ..။
အဘိုးကလဲ အရပ်က တင်မြှောက်ထားတဲ့ သူကြီး…၊ အဘွားက ဈေးရောင်းဆိုတော့ တပည့်တပန်းတွေကလဲပေါ ၊စာရင်းငှားတွေနဲ့ ဇီးသီးရွေးတဲ့ မိန်းခလေးတွေနဲ့ ဆို တနေ့ကို ဆန်တစိတ်လောက် ချက်ရသတဲ့ ။ အော်..ပြောဖို့မေ့နေလို့…အဘိုးနဲ့အဘွားမှာလဲ သားသမီးကချည်း တကျိပ်တယောက်ရှိတာကိုး…။
အဘိုးဦးလှဟန်က ဆင်တဲမြောက်ပိုင်းသားဗျ..။ဦးလှစံ၊ ဦးလှဟန်နဲ့ ဒေါ်အုံးကြင်ဆိုပြီးမောင်နှမ (၃)ယောက်ရှိတယ်.။ ဆင်တဲသားတွေထဲမှာမှ မြောက်ပိုင်းသားတွေဟာ ရှေး ဆင်တဲသားကြီးတွေဗျ..။အလယ်ပိုင်းနဲ့တောင်ပိုင်းတွေက နောက်ပိုင်း ဆင်တဲမှာ စက်ရုံ ၊အလုပ်ရုံတွေနဲ့ဖြစ်လာခါမှပြောင်းလာတဲ့ သူတွေနဲ့ ဆင်တဲသားတချို့ရောယှက်ပြီးနေကြတာလေ..။ စက်ရုံ အလုပ်ရုံတွေဆိုလို့ သတိရတယ်ဗျာ..။ဆင်တဲမှာ စက်ရုံ ၊ အလုပ်ရုံတွေ အတွက် စီမံကိန်းတွေ အကောင်အထည်ဖော်တော့ အဘိုးတို့အဘွားတို့ ပိုင်တဲ့ဥယျာဉ်ခြံတွေနဲ့ လယ်မြေတချို့လဲ အသိမ်းခံရတဲ့အထဲ ပါသွားသတဲ့..။အဘွားဆို အသက်ကြီးလာလို့ဘယ်မှ မသွားမလာနိုင်တော့တဲ့ အချိန်အထိ ခု (က စ လ) ကျောင်းကြီးဆောက်တုန်းကလယ် ဘယ်နှစ်ကျိပ်စိုက် ( အဘွားက အထကဆင်တဲ ကို ကစလ ကျောင်းကြီး လို့ခေါ်ပါတယ်) ၊ ခု ကပစ စက်ရုံတွေရဲ့ ဘယ်နေရာ ဘယ်နေရာတွေဟာဖြင့် ဟိုတုန်းက ဒို့ သရက်ခြံတွေ၊သံပုရာ ခြံတွေပေါ့ ဆိုတာမျိုးလဲ ပြောတတ်ရဲ့..။( အဲ့အချိန်တုန်းကသာ ရှေ့နေ ကိုဖိုးဖြူတို့လို ပုဂ္ဂိုလ်မျိုး ရှိခဲ့မယ်ဆိုရင် အဘွားဘယ်လိုလုပ်မယ်ဆိုတာ သိချင်စမ်းပါဘိ ..) ဘာလို့လဲ ဆိုတော့ အဘွားဟာ သူ့ခေတ်သူ့အခါက ထက်ထက်မြတ်မြတ် မိန်းမတယောက် ဖြစ်ခဲ့လိုပဲဗျ ။ အဘွား နာမည်က “ဒေါ်အေးရှင်” တဲ့ …။
အဘိုး ဦးလှဟန်ရွာမှာ သူကြီးလုပ်သက်လေးကြာလာတော့ ရွာမှာ ဦးလှဟန်သူကြီးလုပ်တာကို တချို့က မနှစ်မြို့ကြဘူး ၊ဦးသာခင် ကို သူကြီး လုပ်စေချင်ကြတယ် ဆိုတဲ့ အသံလေးတွေ ထွက်လာသတဲ့ ။အဘိုး ကတော့ ” အေးရှင်ရယ် ..သူတို့ မလုပ်နဲ့ ဆိုတော့လဲ မလုပ်ယုံပေါ့ ၊ ငါစိတ်ရှုပ် သက်သာပါတယ် ဟာ ” ဆိုပြီး ပြောရှာပါသေးသတဲ့ ။ ဒါပေမဲ့ အဘွားက ” ကိုလှဟန်..ဒီလို ကြမ်းကြားလေကြား ကြားယုံ နဲ့တော့ သူကြီးကနေ ဘာလို့ ဆင်းပေးရမှာလဲ.၊ ၊အဲ့တော့ ရှင် မနက်ဖြန်ကြရင် ပန်းတောင်းကိုသွားပြီး အရာရှိတွေကိုခေါ်ခဲ့..၊ ရွာက လူတွေရဲ့ သဘောထားကို ကျုပ်သေချာသိချင်သေးတယ်..” ဆိုသတဲ့ ။
နောက်နေ့ နေ့လယ်ဘက် ရွာလယ်က စာသင်ကျောင်းလေးမှာ ရွာသူရွာသားတွေရယ်၊ မြို့က အရာရှိတွေရယ် အစည်းအဝေးပွဲလေး လုပ်ဖြစ်ကြသတဲ့..။ အစည်း အဝေး ပြီးတော့ အရာရှိ တယောက်က ” ကဲ ဦးလှဟန် ကို သူကြီးလုပ်စေချင်တဲ့သူ က ဒီဘက်ကိုလာ ၊ ဦးသာခင် ကို သူကြီး လုပ်စေချင်တဲ့ သူတွေက ဟိုဘက်ကိုသွား ” ဆိုပြီး ရွာက လူတွေကို မဲ ခွဲလိုက်သတဲ့ ..။ဦးသာမြ ဆိုတဲ့ တယောက်ကတော့ ဟိုဘက်ကိုလဲ မသွား ၊ ဒီဘက်ကိုလဲ မလာပဲ အလည်မှာပဲ ရပ်နေလို့ ရွာက လူတွေက ၀ိုင်းရီကြသတဲ့လေ..။တကယ်တော့ ဦးသာမြ က ဦးသာခင်နဲကလဲ အမျိုး အဘိုး ဦးလှဟန်နဲ့ ကလဲ သူငယ်ချင်းတွေ ဖြစ်နေလို့ ဘယ်ဘက်ကိုမှ မသွားပဲ အလည်မှာပဲ ရပ်နေခဲ့တာပါ..။ အစည်းအဝေး အပြီးမှာတော့ အဘိုးဘက်မှာ လာပြီး ရပ်တဲ့သူ များလို့အဘိုးဦးလှဟန်ကိုပဲ ရွာသူကြီး အဖြစ် ပန်းတောင်းက အရာ၇ှိတွေက ဆက်လုပ်စေပါတယ် ။ အဘွားဟာ လူအများရဲ့ ဆန္ဒကို ပုရိတ်သတ်အလယ်မှာ သိအောင်လုပ်ရဲတဲ့ ၊ လုပ်နိုင်တဲ့ အစွမ်းအစနဲ့ အရည်အချင်း၊ နောက်ပြီး လူအများက ခေါင်းဆောင် မလုပ်နဲ့တော့ ဆိုရင်လဲအဘိုးကို ဂုဏ်သိက္ခာ ရှိရှိ သူကြီး အလုပ်ကနေ နှုတ်ထွက်ရအောင် စီစဉ်နိုင်ခဲ့တယ်..။ ပြောရမယ်ဆို၇င်တော့ ကျနော်တို့ ရွာလေးမှာ အဲ့ခေတ် အဲ့အခါကတည်းက ဒီမိုကရေစီ စနစ် ထွန်းကားလို့နေခဲ့ပါပြီ..။ဘာလျှို့ဝှက်မဲတွေ ၊ ကြိုတင်မဲတွေမှလဲ မရှိခဲ့ပါဘူး..။
ဒို့ဗမာ အစည်းအရုံးက သခင်တွေ ပြည်မြို့မှာ အစည်းအဝေး လာလုပ်ကြတော့လဲ အဘွားဟာ သွားဖို့ ကြိုးစားခဲ့ပါသေးသတဲ့..။ သခင်ကိုယ်တော်မှိုင်း ဆိုတာကလဲ အားလုံးသိတဲ့အတိုင်း ရွှေတောင်နားက ၀ါးလယ်ရွာသားကိုးဗျ..။ ” သခင်အောင်ဆန်း ၊သခင်အောင်ဆန်းနဲ့ အဲ့လောက်တနိုင်ငံလုံးနာမည်ကြီးနေတာ ဒီတခါ ပြည်မှာ တရားလာဟောရင် ကျုပ်သွားနားထောင်ဦးမယ် ကိုလှဟန် ရယ် “ဆိုပြီး အဘိုးကို ပြောရှာသတဲ့..။ မိုးတွင်းပိုင်းတခုမှာ အဘွားဟာ ထုံးစံ အတိုင်း ပြည်ဈေးကြီး ကို ဈေးရောင်းဈေးဝယ်ကိစ္စ တခုနဲ့ရောက်နေတဲ့အချိန်၊ ဗိုလ်ချုပ်တို့ လုပ်ကြံခံရတဲ့ အကြောင်း ကိုကြားသတဲ့..။အဲ့ခေတ် အခါတုန်းက ပြည်မြို့ တမြို့လုံးမှာမှ ရေဒီယိုလေး (၅) လုံးပဲ ရှိရှာ ဆိုပဲ..။ ပြည်ဈေးကြီးကနေ ရွာကို အပြန် လှေပေါ်မှာ အဘွားတို့ တလှေလုံးဟာ ဒီအကြောင်းကိုပဲပြောပြောပြီး ငိုပြီးပြန်လာကြတာ ရွာရောက်တဲ့ အထိတဲ့..။အဲ့အချိန်မှာအဘွားဟာ ကျနော်ရဲ့ မေမေကို ကိုယ်ဝန်လွယ်ထားရတာ (၆) လလောက် ရှိနေပါပြီ..။
အဘွားဟာ သူ့လေးစားရတဲ့ အမျိုးသား ခေါင်းဆောင်ကြီး သခင်အောင်ဆန်းအတွက် အတော့်ကို စိတ်မကောင်းခြင်း ကြီးစွာ ဖြစ်ရပြီး အထူးသဖြင့် အသက်ငယ်ငယ်နဲ့မုဆိုးမဖြစ်ရရှာတဲ့ ကလေး (၃)ယောက်အမေ ဗိုလ်ချုပ်ကတော်ကို မိန်းမချင်း အတော်ပဲ ကိုယ်ချင်းစာမိပုံရပါတယ်..။ ၁၉၄၇ခုနှစ် ရဲ့ အောက်တိုဘာလ(၂၇) ရက်နေ့မှာတော့ အဘွားဟာ ကျနော်မေမေကို 
မွေးခဲ့ပါတယ်..။ အဘွားဟာ သူချစ်ခင်လေးစားရတဲ့ နာမည်ပဲ ကြားဖူးပြီး လူချင်းမမြင်ဖူးခဲ့ရတဲ့ အမျိုးသားခေါင်ဆောင်ကြီး ကို သူတတ်နိုင်တဲ့ ဘက်ကနေ ဂုဏ်ပြုတဲ့ အနေနဲ့ မွေးလာတဲ့ သမီးလေး (ကျနော်မေမေ့ကို) နာမည်တခု ပေးခဲ့ပါတယ်…။ကျနော့်မေမေ နာမည်ကတော့ “ဒေါ်ခင်ကြည် “ပါတဲ့..။ (နောက်ပိုင်း ဗိုလ်ချုပ်ကတော် ဒေါ်ခင်ကြည်ကို အိန္ဒိယ နိုင်ငံ ဆိုင်ရာ မြန်မာနိုင်ငံ သံအမတ်ကြီး အဖြစ်နဲ့တာဝန်ထမ်းခိုင်းတော့လဲ အဘွားဟာ မနှစ်မြို့ပါဘူး၊ သီပေါ ဘုရင်ဟာ အနောက်ကို ပါတော်မူခဲ့တယ်၊ အနောက်အရပ်ဟာ နေ၀င်တဲ့ အရပ်ပါ၊ဒါကြောင့်များ ဗိုလ်ချုပ်ကတော် ဒေါ်ခင်ကြည်တို့မိသားစုကို နေ၀င်အောင်များ အနောက်အရပ်ကို ပို့လွှတ်ခဲ့သလား ဆိုတာကတော့ ပို့လွှတ်သူ ကာယကံ ရှင်များမှ အပ………………)
တချို့ အချက်အလက်တွေကို မမှန်ကန်မှာစိုးလို့ မေမေ့ဆီကို ပို့စ်ရဲ့မူကြမ်းလေးကို ပို့ပြီး မေမေရဲ့ အတည်ပြုချက်ကို ရယူခဲ့ပါသေးတယ်.။ ငယ်စဉ်က အဘွားပြောပြဖူးတဲ့ အကြောင်းအရာတွေနဲ့ (၂၇-၁၀-၂၀၁၁)ရက်နေ့မှာ ကျရောက်တဲ့ မေမေရဲ့ (၆၄)နှစ်မြောက် မွေးနေ့ အမှတ်တရ အဖြစ် ဒီပို့စ်လေးကို ရေးပါတယ်…။
လွမ်းမောမိတယ် ရင်မောရတယ် ချစ်သောဧရာ…ရယ်
မိုးရွာပြီးခါစ မြစ်ပြင်ကို ဖြတ်၍ တသုန်သုန် တိုက်ခတ်နေသည့် လေပြည်ညင်းက ကွဲကွာနေတာ ကြာပြီ ဖြစ်သည့် သူ့ ကို ဆံပင်၊ အကျီ င်္၊ ပုဆိုးတို့ တဖြတ်ဖြတ် လွင့်လူးသွားသည် အထိ ထွေးပွေ့ ကြိုဆိုသည်။ မိုးရွာပြီးစ အချိန်တိုင်း လေနှင့်အတူ ပါလာတတ်သည့် သူအလွန် နှစ်သက်သော မြေသင်းနံကို ရှူရင်း မြစ်ကမ်းနဖူး (အရင် ဇာတ်ဆိပ်ဟောင်း) နေရာတွင် ရပ်လိုက်သည်။ သူထွက်သွားစဉ်တုန်းကလို မဟုတ်တော့ ဧရာဝတီမြစ်၏ မြင်ကွင်းတို့ က ပြောင်းလဲနေပြီ။ ဧရာဝတီမြစ်က ဒဏ်ရာဒဏ်ချက်တို့ ဖြင့် မိမိမြင်ကွင်းရှေ့၌ လဲလျောင်းနေသလို စိတ်တွင် ခံစားရသည်။ ဟိုးအရင် ဇက်ဆိပ်ရှိစဉ်က ကားအတက်အဆင်း ပြုလုပ်သော လမ်းတို့  ပျက်စီးနေပြီ ဖြစ်သလို မြစ်ကမ်းပါး တလျှောက်တွင်လဲ ကိုင်းပင်တို့ က အကျည်းတန်စွာ အပြိုင်းအရိုင်း ပေါက်နေကြ၏။
ငယ်ဘဝ တလျှောက်လုံး မြစ်ကမ်းပါးတလျှောက် ပြေးလွှားဆော့ကစားရင်း ကြီးပြင်းခဲ့သည့် သူနှင့် ဧရာဝတီကြားတွင် အမှတ်ရစရာပေါင်း များစွာ ရှိခဲ့သည်။ သူ့ လိုပင် ဤဆင်တဲရွာကလေးတွင် မှီတင်း နေထိုင်ကြသော လူများသည်လဲ ဧရာဝတီမြစ်နှင့် မကင်းရာမကင်းကြောင်းများ ဖြစ်ကြသည်။ တံငါလုပ်သူများ၊ စက်လှေလုပ်ငန်း လုပ်သူများ၊ ရေရောင်းသူများ၊ လယ်၊ ယာလုပ်ငန်းနှင့် ကိုင်းကျွန်းလုပ်သူများသည် ဧရာဝတီမြစ်ကို မှီခို၍ အသက်မွေးဝမ်းကြောင်း ပြုကြရ၏။ ယုတ်စွအဆုံး ဧရာဝတီမြစ် အတွင်းမှ ရေကိုပင် ဆင်တဲတစ်ရွာလုံး သောက်ရေ၊ သုံးရေအဖြစ် ခပ်ယူ သုံးစွဲရ၏။ တချို့ ဆိုလျှင် ပေါင်းမိုးလှေလေးများဖြင့် မြစ်ထဲတွင် နေထိုင်ကြပြီး မြစ်ကမ်းပါးမှာပင် ချက်ပြုတ်စားသောက်ကြ၏။ ကျွန်တော်အပါအဝင် ကလေးများအတွက်တော့ ဧရာဝတီမြစ်ကြီးက အခမဲ့ ကစားကွင်းကြီး ဖြစ်ခဲ့သည်။
ကျွန်တော်နှင့် ဧရာဝတီ ပတ်သက်မှုက ငယ်ဘဝ လေးနှစ်သား အရွယ်ကပင် စခဲ့သည်ဟု ဆိုရမည်။ ထိုနေ့ ကို ကျွန်တော် အခုအချိန်ထိ မှတ်မိနေသေးသည်။ နောင် နှစ်ပေါင်း များစွာထိလဲ မှတ်မိနေဦးမည်သာ ဖြစ်သည်။ အဲဒီနေ့ က ကျွန်တော့် အဒေါ်ဖြစ်သူနှင့် ကျွန်တော် မြစ်ဆိပ်ကို ရေချိုးလိုက်သွားခဲ့သည်။ ကျွန်တော် ခုရပ်နေသည့် ဒီနေရာရှ့က ကမ်းစပ်လေးမှာပင် ကျွန်တော်နှင့် ညီဝမ်းကွဲ တော်သူတို့ ရေချိုးကြ၏။ အဒေါ်ဖြစ်သူက မလှမ်းမကမ်းတွင် အဝတ်လျှော်နေသည်။ မြောက်ရှူံးအောင် ဆော့သော ကျွန်တော်တို့ ညီအစ်ကို နှစ်ယောက်က ခရီးသည်များ ချပြီး ပြန်ထွက်သော စက်လှေကို လက်ဖြင့် ခိုပြီးလိုက်သွားကြ၏။ ကမ်းစပ်မှ အဒေါ်ဖြစ်သူနှင့် တခြားသူများ ပွတ်လောရိုက်မတတ် အော်မှ ကြောက်လန့် ပြီး လက်လွှတ်ချ လိုက်တော့ ရေနက်ပိုင်းကို ရောက်နေပြီမို့ ရေနစ်ပါလေတော့သည်။ စက်လှေပေါ်မှ အိမ်နီးချင်း အစ်ကို ဖြစ်သူက ကယ်တင်ခဲ့ခြင်းကြောင့်သာ ဒီနေ့ ထိ ကျွန်တော် အသက်ရှင် နေနိုင်ခြင်း ဖြစ်သည်။ အဲဒီနေ့ က ကျောပြင် ဗျောတင် ခံခဲ့ရပြီး မြစ်ဆိပ် ရေဆင်း မချိုးရ အမိန့် ထုတ်ခြင်း ခံရသည်။
ဂမ္ဘီရဆန်သောညတစ်ည
ဘယ်သူကိုမှ မပြောဖြစ်တော့တဲ့ အကြောင်းအရာလေးတစ်ခုပါ။ ပြောလည်းဘယ်သူမှ မယုံကြဘူးလေ။ ဒါကြောင့် မပြောဖြစ်တော့တာပါ။ အခုတော့ မျိုသိပ်မထားနိုင်တော့လို့ ဖွင့်ဟလိုက်ခြင်း ဖြစ်ပါတယ်။ အချိန်ကာလအားဖြင့် ၁၉၉၅ ခုနှစ် ပတ်ဝန်းကျင် လောက်ကပေါ့။ ရန်ကုန်မှာ ၂ နှစ်လောက်နေပြီး ဆင်တဲကို အလည်ပြန်ခဲ့တုန်းက ဖြစ်ခဲ့တဲ့ဖြစ်ရပ်လေးပါ။
ထိုအချိန်က န၀ဒေးတံတားကြီး မရှိသေးပါဘူး။ ဆင်တဲကဇာတ်ဆိပ် ကမ်းနားလမ်းအလယ်ပိုင်းဟာ ခရီးသွားတွေနဲ့ တော်တော်စည်ကား လှပါတယ်။ ဒေါ်နှင်းလှိုင်ခေါက်ဆွဲဆိုင်ဆိုရင် နာမည်ကြီး လူသိများတဲ့ဆိုင်ပေါ့။ ကျနော်တို့ သူငယ်ချင်းတွေလည်း အခါအားလျှော်စွာ အကြောင်းရှာပြီး စားသောက်ပွဲလုပ်လေ့ရှိတဲ့ နေရာလေးပေါ့။ အခုလည်း အကြောင်းရလာပါပြီ။ ခဏအလည်ပြန်လာတဲ့ ကျနော်ကိုအကြောင်းပြုပြီး ၀မ်းမြောက်ကြောင်း အထိမ်းအမှတ်နဲ့လေ။
သူငယ်ချင်းတွေနဲ့ ညနေ ၇ နာရီလောက်မှာ စားသောက်ပွဲ စဖြစ်ပါတယ်။ စားတယ်ဆိုတာထက် သောက်တာကများ ပါတယ်။ ဆိုင်မှာချည်းသောက်ရင် ကုန်မှာစိုးလို့ အိမ်မှာအရင် မော့လာကြတယ်လေ။ ဟိုအကြောင်းဒီအကြောင်း ရောက်တက်ရာရာပြောပြီး သောက်လာလိုက်တာ ၉း၃၀ လောက်ရှိသွားပါတယ်။ ဘာမှမကြာလိုက်ဘူးထင်ရပေမယ့် အချိန်ကုန် တော်တော်မြန်သလိုပါပဲ။ ခရီးပန်းလာတဲ့ ကျနော် တော်တော်မူးလာပေမယ့် သူငယ်ချင်းတွေကတော့ အခုမှအရှိန်ရတုန်း ရှိသေးတယ်လေ။ ဒါနဲ့ အားလုံးကိုနုတ်ဆက်ပြီး ကျနော်တစ်ယောက်တည်း ပြန်လာခဲ့ပါတယ်။
၂ နှစ်လောက်ဝေးကွာခဲ့ရပြီး ၀ဲယာသစ်ပင်တွေနဲ့ အုံဆိုင်းနေတဲ့ ပန်းတောင်းတောင်ကုတ် ကတ္တရာလမ်းမကြီး ရဲ့အပေါ် မလင်းတလင်း မီးရောင်အောက်မှာ မူးဝေပြီး လမ်းလျှောက်နေတဲ့ ကျနော်ဟာ လှပသောကဗျာမဟုတ်ပေမယ့် ကာရံမဲ့ကဗျာ တစ်ပုဒ်များဖြစ်နေမလားပဲ။ ထိုအချိန်မှာ လေတချက် ဝှေ့တိုက်လိုက်လို့ ရင်ထဲစိမ့်ပြီး ဘာမှန်းမသိ လန့်သွားခဲ့ပါတယ်။ ကြက်သီးထစွာနဲ့ အနောက်ဘက်ကို ပြန်လှည့်ကြည့်လိုက်တော့ ဘာမှမရှိလို့ တော်ပါသေးရဲ့ဆိုပြီး သက်ပြင်းရှည်ကြီး မှုတ်ထုတ် လိုက်ပါတယ်။
ဒါနဲ့ခါးကိုမတ်ပြီး ရှေ့ကို မျှော်ကြည့်လိုက်တော့ လူတစ်ယောက်ကျော်ခိုင်းပြီး လျှောက်နေတာကို တွေ့ရပါတယ်။ ကျနော်သွားမယ်လမ်းနဲ့ အတူတူဆိုတော့ အဖော်ရပြီဆိုပြီး ပျော်သွားခဲ့ပါတယ်။ ဒါနဲ့အဲ့ဒီလူကိုမှီဖို့ ကမန်းကတန်းပြေး သွားခဲ့ပါတယ်။ ဘေးချင်းယှဉ်တဲ့အချိန်မှာ ကျနော်က လှည့်ကြည့်ပေမယ့် သူကတော့ကျနော့်ကို လုံးဝလှည့်မကြည့်ပါဘူး။ သူ့ပုံစံက ခပ်နွမ်းနွမ်း ယောဂီဝတ်စုံလေးကို ၀တ်ထားပြီး လည်ပင်းမှာ ပုတီးတစ်ကုံးဆွဲထားတဲ့ အဘိုးအိုတစ်ယောက်ပါ။ ရှည်နေတဲ့ဆံပင်ကို ယောင်ထုံး ထုံးထားပြီး မျက်နှာအမူအရာက တည်ငြိမ်အေးချမ်း နေတဲ့ပုံပါ။
အဘိုးအိုကိုကြည့်ပြီး ကျနော် ကြောက်စိတ်တွေ ပျောက်သွားခဲ့ပါတယ်။
“အဘိုးဘယ်အထိသွားမှာလဲ”
ကျနော်က ပဲစတင်နုတ်ဆက် လိုက်ပါတယ်။ အဘိုးအိုက ကျနော်နုတ်ဆက်တာကို မကြားလို့ပဲလားမသိ လှည့်မကြည့်ပါဘူး။ ဒါနဲ့အသံကျယ်ကျယ်နဲ့ ထပ်ခေါ်လိုက်ပါတယ်။
“အဘိုး……အဘိုး”
ဒီတော့မှအဘိုးအိုက အံသြသော မယုံကြည်သော မျက်လုံးအစုံနဲ့ ကျနော့်ကို လှည့်ကြည့် ပါတော့တယ်။ ထိုနောက်
“ငါ့ကိုခေါ်တာလား” လို့ပြန်မေးပါတယ်။
“ဟုတ်တယ်လေအဘိုးရဲ့ ဒီနားမှာအဘိုးတစ်ယောက်တည်းရှိတာ တခြားဘယ်သူ့ကို ခေါ်ရမှာလဲ”
လို့ မကျေနပ်တဲ့လေသံနဲ့ ကျနော်ပြောလိုက်ပါတယ်။
ထိုအခါအဘိုးအိုက ကျနော့်ကို ဘာမှမသိတဲ့ ကလေးတစ်ယောက်ကို ကြည့်သလိုမျိုးပြုံးပြီး ကြည့်နေပြန်ပါတယ်။
“အဘိုး…..ဘယ်ကိုသွားမှာလဲ”
“ ဂျာကုန်းဘုန်းကြီး ကျောင်းပြန်မလို့”
“အတော်ပဲ ကျနော်လည်း အဲ့ဒီဘက်ကို ပြန်မလို့ အဖော်ရတာပေါ့”
“အေး….အေး….လူလေးအဆင်ပြေ မယ်ဆိုရင် ကောင်းပါတယ်”
“ကျနော်တစ်ယောက်တည်း ပြန်ရမှာကြောက်သလိုဖြစ်နေတာ အဘိုးကိုတွေ့လိုက်ရတော့မှ ၀မ်းသာသွားတယ်”
“လူလေးကဘာကိုကြောက်တာလဲကွယ့်”
“ဘာရယ်မဟုတ်ပါဘူး စိတ်ထဲတစ်မျိုးကြီးဖြစ်နေလို့ပါ အဘိုး”
“သြော်…. ဒီလိုလား…. အဘိုးမှာ ဘာကိုမှ မကြောက်တော့ တဲ့နည်းရှိတယ် လိုချင်လား”
“လိုချင်တာပေါ့.. အဘိုးရ… ပြောပြပါလား”
“ဒီလိုကွ…. သရဏဂုံ မြဲအောင်နေပြီး မေတ္တာပို့ပေးပါ ဘာမှ ကြောက်စရာ မရှိတော့ပါဘူး”
“ဟုတ်ကဲ့”
“မေတ္တာအကြောင်း သိချင်ရင်တော့ မေတ္တာသုတ်ဖြစ်လာပုံနဲ့ မေတ္တာသုတ်ပရိတ်ကို လေ့လာရင် သိနိုင်ပါတယ် အောင်ခြင်းရှစ်ပါးဆိုတာလည်း မေတ္တာကြောင့် အနိုင်ရတာပဲလေ”
“ဟုတ်ကဲ့ အဘိုး အောင်ခြင်းရှစ်ပါး သီချင်းဆိုထားတာတော့ နားထောင်ဘူးတယ် မေတ္တာနဲ့အနိုင်ယူတာတော့ အဘိုးပြောမှ သိရတော့တယ်”
“လေ့လာရင် သိနိုင်ပါတယ်ကွာ… လူလေးအတွက် အကျိုးရှိလာမှပါ”
အဘိုးအိုနဲ့ကျနော် စကားပြောလာလိုက်တာ က စ လ ထဲဝင်တဲ့ ဂိတ်ကို ရောက်လာခဲ့ပါတယ်။ ဂိတ်ကိုဖြတ်အသွား ဂိတ်စောင့်တစ်ယောက်က လှမ်းနုတ်ဆက်လို့ကြည့်လိုက်တော့ ကျနော့် သူငယ်ချင်းတစ်ယောက် ဖြစ်နေတယ်။ သူငယ်ချင်း နဲ့စကားပြောချင်ပေမယ့် အဘိုးအိုပါနေတာနဲ့ ဘာမှမပြောတော့ပဲ လက်ပြ နုတ်ဆက်ခဲ့ပါတယ်။ ဂိတ်ကိုကျော်ပြီးတာနဲ့ ဂျာကုန်းဘုန်းကြီးကျောင်းပေါ်တက်တဲ့ တောင်ခြေလေးကို ရောက်လာပါတယ်။
“ကဲ ……… အဘိုးသွားတော့မယ် လူလေး”
အဘိုးအိုက ကျနော့်ကို နုတ်ဆက်နေစဉ်မှာပဲ လေတစ်ချက် ဝှေ့သွားပြန်ပါတယ်။ လေအဝှေ့မှာတော့ ခရေပန်းနံသင်းပျံ့လာလို့ ရင်ထဲလန်းသွားခဲ့ပါတယ်။
“ဟုတ်ကဲ့အဘိုး….ကျနော့်ကို မကြောက်တော့တဲ့ နည်းသင်ပေးလို့ ကျေးဇူးတင်ပါတယ်။ ဒါနဲ့ အဘိုး…. ခရေပန်းနံ ရလား”
“အေး…. ငါနေတဲ့နေရာမှာ ခရေပန်းတွေ ပွင့်နေပြီကွ…. သရဏဂုံမြဲဖို့နဲ့ မေတ္တာပို့တာကိုတော့ မမေ့နဲ့နော်။ တစ်နေ့ လူလေး နားလည်လာမှာပါ”
“ဟုတ်ကဲ့ အဘိုး”
ပြုံးပြီး နုတ်ဆက်နေတဲ့ အဘိုးအိုကို ကျော်ခိုင်းပြီး ကျနော် ဆက်လျှောက် လာခဲ့ပါတယ်။ အဘိုးအိုနဲ့ စကားပြောလာလို့လားမသိ အမူးလျော့သွားသလို ခံစားရပါတယ်။
အိမ်အပြန်မှာ အဘိုးအိုရဲ့ စကားတွေကို ပြန်တွေးရင်း ဂျာကုန်းဘုန်းကြီးကျောင်းအကြောင်း ရောက်သွားပါတယ်။ ဂျာကုန်းဆိုတာ ဟိုးအရင်တုန်းက ကြတ်ကုန်းလို့ခေါ်တယ်တဲ့ ကြတ်တွေနေတဲ့ ကုန်းမြေမလို့တဲ့ တောရဘုန်းကြီးတစ်ပါးက ဘုန်းကြီးကျောင်းဆောက်ပြီး နေရာက ကြတ်ကုန်းဘုန်းကြီးကျောင်းလို့ ခေါ်လာကြပြီး အခုတော့ ဂျာကုန်းဘုန်းကြီးကျောင်း လို့ ပြောင်းခေါ်လာတာ လို့ လူကြီးတွေကပြောဘူးတယ်။ အဲ့ဒီ တောရဘုန်းကြီးက ကပ္ပိယတစ်ယောက်နဲ့အတူ နယ်လှည့် သာသနာပြုရင်း ဂျာကုန်းဘုန်းကြီးကျောင်းမှာ နောက်ဆုံး သီတင်းသုံးသွားခဲ့တာလို့လည်း ပြောကြပါတယ်။ အတွေးတွေနဲ့ အိမ်ကိုပြန်ရောက်ပြီး မူးမူးနဲ့အိပ်လိုက်တာ တချိုးတည်းပါပဲ။
နောက်တစ်နေ့ မနက်ပိုင်းမှာတော့ လက္ဘက်ရည်ဆိုင်သွားဖို့ သူငယ်ချင်းတွေ လာခေါ်ပါတယ်။ ဂိတ်စောင့်ကျတဲ့ သူငယ်ချင်းလည်း ပါလာပါတယ်။ သူကကျနော့်ကို မနေ့ညက တော်တော်မူးလာတယ်တဲ့ တစ်ယောက်တည်းစကားတွေ ပြောလာလိုက်တာ သူ့ကို တောင်နုတ်မဆက်ဘူးတဲ့။ အဲ့တော့ ကျနော်က တစ်ယောက်တည်း မဟုတ်ပါဘူး ကျနော်နဲ့အတူတူပါလာတဲ့ အဘိုးအိုနဲ့စကားပြောလာတာပါလို့ ပြောပြပါတယ်။ ဒါပေမယ့် သူငယ်ချင်းက မင်းတော်တော် နောက်တတ်လာပြီပဲ တဲ့ မနေ့ညက မင်းတစ်ယောက်တည်း ပြန်လာတာကို ဘယ်က အဘိုးအို ကပါလာတာလဲ တဲ့……..။ တခြား သူငယ်ချင်းတွေကလည်း ကျနော့်ကို မယုံကြဘူးလေ။ ဒါပေမယ့် ကျနော် အလျော့ မပေးပါဘူး။
ဂျာကုန်းဘုန်းကြီးကျောင်းကို သွားမေးမယ်ဆိုပြီး ဘုန်းကြီးကျောင်းကို သွားခဲ့ပါတယ်။ ဘုန်းကြီးကျောင်းရောက်လို့ ကျောင်းထိုင်ဘုန်းကြီးကို သွားမေးတော့ ညကဘယ်သူမှမ လာဘူးတဲ့….။ ဒါနဲ့ဆရာတော်ကို ဦးချပြီးပြန်မယ်အလုပ် ကျနော့်နာခေါင်းထဲကို ခရေပန်းနံသင်းသင်းလေး တိုးဝှေ့လာပါတယ်။ ဘယ်ကလည်းလို့ ဘေး ဘယ်ညာလှည့်ကြည့်လိုက်တော့ ကျောင်းရဲ့အရှေ့ဘက် သိမ်ရဲ့ဘေးနားမှာ ခရေပန်းတွေ ပွင့်နေတဲ့ ခရေပင်တစ်ပင်ကို တွေ့လိုက်ရပါတယ်။ ခရေပင်အောက်မှာတော့ ဟောင်းနွမ်းနေသော အုတ်ဂူနှစ်လုံးကို ထပ်တွေလိုက်ရ ပြန်ပါတယ်။
ကျနော်အုတ်ဂူကိုကြည့်နေတာတွေ့တော့ ဆရာတော်က
“အဲ့ဒီ အုတ်ဂူတွေဟာ တစ်ခုက ပထမဆုံး ကျောင်းတည်ဆောက်တဲ့ တောရဘုန်းကြီးရဲ့အုတ်ဂူ၊ နောက်တစ်ခုက ကပ္ပိယကြီးရဲ့ အုတ်ဂူ”
လို့ရှင်းပြပါတယ်။ ဆရာတော်ရှင်းပြနေစဉ်မှာ သင်းပျံ့လာသော ခရေပန်းရနံဟာ ကျနော့်ခေါင်းကို နောက်ကျိသွား စေပါတော့တယ်။
တကယ်ပြောတာပါ အဲ့ဒီတုန်းက အဘိုးအိုတစ်ယောက်နဲ့ အတူတူပြန်လာခဲ့တာပါ။ အဘိုးအိုသင်ပေးခဲ့တဲ့ သရဏဂုံအစွမ်းနဲ့ မေတ္တာဘာဝနာအစွမ်းတွေကို တောင် အခုနားလည်လာလို့ အဘိုးအိုကို ကျေးဇူးတင်နေမိပါသေးတယ်။ ဒါပေမယ့် ကျနော်အဘိုးအိုနဲ့ အတူတူပြန်လာတယ်ဆိုတာ ဘယ်သူမှ မယုံကြဘူးလေ။ ဒါကြောင့်ဒီအကြောင်းကို ဘယ်သူ့ကိုမှ မပြောဖြစ်ခဲ့တာပါ။ ဘယ်သူမှမယုံပေမယ့် နှစ်တွေကြာသွားပေမယ့် ကျနော့်ရင်ထဲမှာတော့ ဂမ္ဘီရဆန်သောညတစ်ည အဖြစ်
အမှတ်ရနေဆဲဆိုတာ မျိုသိပ်မထားနိုင်တော့လို့ ရင်ဖွင့်လိုက်ရပါတော့တယ်။
ဖြစ်မလာခဲ့သော ဖြစ်ချင်နေတာ
ကျွန်တော်လဲ ခုတလော အလုပ်နဲနဲ ရှုပ်နေတာနဲ့  ဘယ်ကိုမှ အလည်မထွက်ဖြစ်သလို ဘယ်မှမရောက်ဖြစ်ဘူး ဖြစ်နေတယ်။ ဒါနဲ့ တစ်နေ့  အလုပ်ထဲမှာ အလုပ်တွေ ရှုပ်နေတုန်း အရှုပ်ကလေး တွေဖြစ်တဲ့ ချိုကျ(တဖြစ်လဲ) မောင်ဖိုးကြယ်နဲ့  မောင်ပေါ့ဆိမ့် တို့  နှစ်ယောက်က အမောတကော ဖုန်းဆက်လာတယ်။ ဟေ့ကောင် ဘလက် မင်းမေပယ်လ်ဆိုဒ်ကို သွားကြည့်ဦး။ ဟိုမှာ မင်းကိုတဂ်ထားတယ်။ ဟေ.. ဘာ ဘာလဲ ဘာကို တဂ်ထားတာလဲလို့  ကျွန်တော်လဲ အမောတကော ပြန်မေးလိုက်တော့ သူတို့  က ကျွန်တော့်ကို တိတိကျကျဘဲ ပြန်ဖြေတယ်။ ငါတို့  လဲ သေသေချာချာ ရှင်းမပြတတ်ဘူး မင်းသေချာသိချင်ရင် မေပယ်လ့်ဆိုဒ်ကို သွားကြည့်တဲ့။ ကဲရှင်းရော ဒါနဲ့  ကျွန်တော်လဲ အလုပ်ကအိမ်ကို ပြန်ရောက်တော့ အွန်လိုင်းပေါ် အပြေးအလွှားတက် ဘလော့ဂ်ဂါ ရောင်းရင်းဖြစ်သူ မေပယ့်လ်ဆိုဒ်ကိုသွားပြီး အမောတကော ရှာပုံတော် ဖွင့်ရတော့တာပေါ့။ မေပယ့်လ်ဆိုဒ်ကိုရောက် တင်ထားတဲ့ပိုစ့်ကို ဖတ်ကြည့်မှ တခြားတစ်ယောက် တဂ်ထားလို့ ငြီးငြူနေတဲ့ မေပယ်လ့်ကိုတွေ့  ရတယ်။ အဲဒီမှာ ပိုစ့်ကိုဖတ်ကြည့်ရင်း စာရေးသူရဲ့  ဖြစ်ချင်ပေမယ့် မဖြစ်လာခဲ့တဲ့ အကြောင်းအရာလေးတွေကို (ဝမ်းသာအားရ) အဲ.. ဟုတ်ပေါင် စိတ်ဝင်တစား ဖတ်နေတုန်း အောက်နားလောက်ကို ရောက်တော့ ဘုမသိ ဘမသိ မေပယ်လ်တဂ်ထားတဲ့ ကိုယ့်နာမည်ကို ပြန်ဖတ်ကြည့်ပြီး မအီမသာကြီး ခံစားလိုက်ရတယ်။ ဒီလိုနဲ့ အဲဒီနေ့  ညက ဘာရေးရင်ကောင်းမလဲလို့  စဉ်းစားရင်း အိပ်လို့ မပျော် ဖြစ်ခဲ့ရတယ်။ တော်တော်ဆိုးတဲ့ မေပယ်လ် လူကို သက်သက် အိပ်ရေးပျက်အောင် လုပ်တယ်။ ဒီလိုနဲ့  ဘာရေးရင်ကောင်းမလဲ စဉ်းစားရင်းနဲ့  ဘာမှ မရေးဖြစ်ခဲ့ဘူး။ ဒါပေမယ့် အွန်လိုင်းမှာ မေပယ်လ်နဲ့  တွေ့ လို့  ရေးခိုင်းထားတဲ့ ဖြစ်မလာခဲ့သော ဖြစ်ချင်နေတာ ဆိုတဲ့ပိုစ့် ရေးပြီးပြီလားလို့ မေးရင် ကျွန်တော်ကရေးပြီးပြီလို့  ဖြေမှာဘဲ။ အဲဒီလို ပြန်ဖြေနိုင်အောင်လဲ ကျွန်တော်က ဖြစ်မလာခဲ့သော ဖြစ်ချင်နေတာဆိုတဲ့ ခေါင်းစဉ်ကိုတော့ တပ်ထားလိုက်တယ် ဟဲ.. ဟဲ.. ဝိနည်းလွတ်တာပေါ့။
လူတိုင်းလူတိုင်းမှာ ဖြစ်ချင်သော အလိုဆန္ဒလေးများ ရှိကြသည်။ ထိုအထဲမှာမှ ဖြစ်လာတာတွေ ရှိသလို ဖြစ်မလာသေးတာတွေ၊ ဖြစ်မလာနိုင် တော့တာလေးတွေလဲ ရှိမှာပါ။ ကျွန်တော်မှာလဲ ဖြစ်ချင်နေတဲ့ ဆန္ဒလေးတွေ ရှိနေပေမဲ့ ဖြစ်မလာနိုင်တော့တဲ့ အကြောင်းအရာလေးတွေလဲ ရှိပါတယ်။ ပျော်ပျော်နေတတ်တဲ့ကျွန်တော့်အတွက်တော့ ကျန်တာတွေ ဆင်းရဲရင် ဆင်းရဲမယ် အပေါင်းအသင်းကတော့ မဆင်းရဲခဲ့ဘူး။ အပေါင်းအသင်းများခဲ့တဲ့ ကျွန်တော် တိမ်တွေနဲ့ အပြိုင်လွင့်ရင်း လမ်းမတွေထက် လမ်းအတိုအရှည်တွေ တိုင်းထွာရင်း ပတ်ဝန်းကျင်ကို အရွဲ့တိုက်ရင်း ကြီးပြင်းခဲ့တာပေါ့။ ကျွန်တော် ဆိုးခဲ့တယ်ဆိုရင်တောင် ကျွန်တော့်မိဘတွေအပေါ်မှာ ဆိုးခဲ့တာပါ။ အသောက်အစား မူးယစ်ဆေးဝါးကင်းတယ်၊ သူများသားမယား မစော်ကားဘူး၊ သူများပစ္စည်းဥစ္စာ မခိုးဘူး၊ ရပ်ကွက်ထဲမှာ မူးရူးအော်ဟစ်သောင်းကျန်းပြီး မိဘမျက်နှာပျက်အောင် တခါမှမလုပ်ခဲ့ဘူး၊ ကိုယ့်ကြောင့် မိဘတွေ ရုံးရောက်ဂတ်ရောက် သိက္ခာမကျခဲ့ဘူးဘူး။ ဒါပေမယ့် အိမ်မကပ်ဘူး အိမ်အလုပ်ကို ဘာတစ်ခုမှ ကူမလုပ်ဘူး ဆိုင်ကယ်တစ်စီးနဲ့ လွင့်ချင်ရာလွင့် လက်ဘက်ရည်ဆိုင်တွေမှာ အချိန်ဖြုန်းပြီး မိဘပိုက်ဆံဖြုန်းတီးနေတဲ့ကောင် ဆန်ကုန်မြေလေးဆိုပြီး ကိုယ့်ထမင်း ကိုယ်စားနေတဲ့ ပတ်ဝန်းကျင်က ကျွန်တော့်ကို ဘွဲ့ ထူးကြီးတစ်ခု အပ်နှင်းတယ်။ ငယ်ဘဝတလျှောက်လုံး စာမေးပွဲဖြေဆိုကာနီး တစ်လလောက်မှ လက်ပူတိုက်ပြီး တစ်နှစ်တစ်တန်း အောင်လာတဲ့ကျွန်တော့်ကို ပတ်ဝန်းကျင်က ဆယ်တန်းဆိုတဲ့ တောင်ကြီးကိုတော့ ဒီတစ်သက်ကျော်မှာ မဟုတ်ဘူးလို့  အတင်းပြောကြတယ်။ ဒါပေမယ့် ကျွန်တော်သုံးလ အချိန်ယူပြီး သူတို့ ထင်ကြေးတွေကို ရိုက်ချိုးပစ်လိုက်တယ်။ ဒါပေမယ့် နောင်တက္ကသိုလ် ရောက်တဲ့အချိန်မှာတော့ ကျွန်တော်နောင်တပါတယ်လေ။ တကယ်လို့ အခွင့်အရေးသာရှိခဲ့ဦးမယ်ဆိုရင် ကျွန်တော် တစ်နှစ်ပတ်လုံးကြိုးစားပြီး အဲဒီဆယ်တန်းဆိုတဲ့ တောင်ကြီးကို နောက်တခါလောက် ထပ်ဖြတ်ကျော်ချင်သေးပါတယ်။
ကျွန်တော် GTC ကျောင်းကို တက်ရောက်ခွင့်ရခဲ့ပါတယ်။ ကျွန်တော့်သူငယ်ချင်းတွေနဲ့ အတူ အဲဒီကျောင်းကို အတူတူတက်ချင်ခဲ့ပေမယ့် ကျွန်တော်မတက်ဖြစ်ခဲ့ပါဘူး။ အဲဒီအချိန်မှာ ကျွန်တော်မလေးရှားကို အလုပ်သွားလုပ်ဖို့ အတွက် အားလုံးပြင်ဆင်ပြီးနေပါပြီ။ မိဘတွေကတော့ ကျောင်းတက်ချင်ရင် ဆက်တက်ဖို့ ပြောပါတယ်။ဒါပေမယ့် ကျွန်တော်ကြောင့် မိဘတွေရဲ့ ပိုက်ဆံကို အချည်းနှီး မဆုံးရှုံးစေချင်လို့ ကျွန်တော် ဆက်မတက်ဖြစ်ခဲ့ပါဘူး။ တကယ်ဆိုကျွန်တော် အဲဒီကျောင်းကို တက်ချင်ခဲ့တယ်။ အဲဒီကျောင်းတွေစဖွင့်တဲ့နေ့ ကစပြီး ကျွန်တော့်သူငယ်ချင်းတွေက ကျွန်တော့်အိမ်ကို နေ့ တိုင်းလာလာရှာတယ်။ ကျောင်းဆက်တက်ဖို့ နေ့ တိုင်းကျွန်တော့်နာမည်ကို ခေါ်နေတယ်ဆိုတဲ့ အကြောင်း လာလာပြောတယ်။ ဒါပေမယ့် ကျွန်တော် ဖြစ်ချင်တာထက် ဖြစ်သင့်တာကို ရွေးချယ်ပြီး အထုတ်အပိုးပြင် နိုင်ငံခြားကို ထွက်လာခဲ့တယ်။
ကျွန်တော့်မှာ ငယ်ငယ်လေးကတည်းက ပေါင်းလာတဲ့ ငယ်သူငယ်ချင်း သုံးယောက်ရှိပါတယ်။ ကျွန်တော့်ထပ် တစ်တန်းကြီးတဲ့ သူတို့ တွေက ကျွန်တော့်ကို ဂရုစိုက်ကြပါတယ်။ တစ်နှစ်တစ်တန်းတက်တဲ့ အခါတိုင်း ကျွန်တော့်အခန်းကို သူတို့ လာပြီး ကျွန်တော့်ကို တွေ့ လေ့ရှိကြတယ်။ အကြောင်းရင်းကတော့ ကျွန်တော်နေရထိုင်ရတာ အဆင်ပြေရဲ့ လား တခြားကျောင်းသားတွေ အနိုင်မကျင့်ရဲအောင် သူတို့ ရှိတယ်ဆိုတဲ့အကြောင်း ကိုယ်ထင်လာလာပြကြတယ်ဆိုဘဲ။ အဲဒီထဲကမှ ကျွန်တော့်ဘဝမှာ တွယ်တာရဆုံး အချစ်ရဆုံး သူငယ်ချင်းဖြစ်တဲ့ ကျွန်တော့်သူငယ်ချင်းက ကျွန်တော့်အိမ်မျက်စောင်းထိုးအိမ်ကပါ။ ကျွန်တော့်အတွက်တော့ သူ့ အိမ်က စားအိမ်သောက်အိမ်ပေါ့။ နောက်ပိုင်းနှစ်တွေမှာ ကျွန်တော်တို့ နှစ်ယောက်က ပိုတွဲဖြစ်ခဲ့ကြတယ်။ ဘယ်သွားသွား ကျွန်တော်တို့ တပူးပူး တတွဲတွဲနဲ့ ပေါ့။ အဲဒီအချိန်က ကျွန်တော်တို့ နှစ်ယောက်မှာ ဖြစ်ချင်ခဲ့တဲ့ စိတ်ကူးလေးတစ်ခု ရှိခဲ့တယ်။ ကျွန်တော်တို့ အရွယ်ရောက်လာခဲ့တဲ့တစ်နေ့ ကျောပိုးအိတ်တစ်ယောက်တစ်လုံးနဲ့ မြန်မာပြည်တပတ် ပတ်ကြမယ်လို့ ကတိထားခဲ့ကြတယ်။ ဒါပေမယ့် ကျွန်တော်နိုင်ငံခြားက ပြန်လာပြီး ကျွန်တော်တို့ ဆန္ဒတွေကို အကောင်အထည်မဖော်နိုင်ခင်မှာဘဲ ကျွန်တော့် အချစ်ဆုံးသူငယ်ချင်း အသဲရောဂါနဲ့ ဆုံးသွားခဲ့တယ်။ အဲဒီနေ့ က ညနှစ်နာရီလောက် သူဆုံးသွားပြီ ဆိုတဲ့သတင်း ကျွန်တော့်ဆီကို ဖုန်းဝင်လာပြီးနောက်ပိုင်း ကျွန်တော်ငုတ်တုတ် မိုလင်းခဲ့ရတယ်။ ကျွန်တော်တို့ နှစ်ယောက် အတူသွား အတူစားခဲ့တာတွေကို ပြန်မြင်ယောင်ရင်း ကျွန်တော်တို့ နှစ်ယောက် ဖြစ်ချင်ခဲ့တဲ့ ဆန္ဒတွေ အကောင်အထည်မဖော်နိုင်ခဲ့တဲ့ အကြောင်းကို စဉ်းစားမိတိုင်း စိတ်မကောင်းဖြစ်ရတယ်။ တကယ်ဆိုရင် ကျွန်တော် သူနဲ့ မြန်မာပြည်တပတ်အတူ ခရီးထွက်ချင်ခဲ့တာပါ။ ဒါပေမယ့် ဒါဟာ ဘယ်လောက်ဘဲ ဖြစ်ချင်နေ ဖြစ်ချင်နေ ဖြစ်မလာနိုင်တော့ပါဘူး။
ကျွန်တော်မလေးရှားမှာ အလုပ်သွားလုပ်တုန်းက ကျွန်တော်နဲ့ အတူတွဲခဲ့တဲ့သူငယ်ချင်းတစ်ယောက် ရှိခဲ့ပါတယ်။ သူ၊ ကျွန်တော်၊ ပေါ့ဆိမ့်၊ ချိုကျနဲ့ ပုံမှန်တို့ ဆိုတာ ဟိုးကလေးဘဝ မူကြိုကတည်းက အတူတူတက်လာခဲ့တဲ့ ငယ်သူငယ်ချင်းတွေပေါ့။ ကျောင်းတက်တော့လဲ တောက်လျှောက် အတူတူ တက်ခဲ့ကြတာပါ။ ဒါပေမယ့် မလေးကို ရောက်တဲ့အချိန်မှာတော့ ကျွန်တော်တို့ နှစ်ယောက်ပိုတွဲဖြစ်ခဲ့ပါတယ်။ မရှိအတူ ရှိအတူ မလေးရှားမှာ နှစ်ပေါင်းများစွာ အေးအတူ၊ ပူအမျှ အတူတူဖြတ်သန်းခဲ့ကြတာပါ။ ကျွန်တော်တို့ နှစ်ယောက် မလေးရှားမှာ အတူတူ ဆိုးခဲ့၊ ပျော်ခဲ့ကြရင်း ကျွန်တော်အရင် မလေးရှားကနေ မြန်မာပြည်ကို ပြန်လာခဲ့ပါတယ်။ အဲဒီနေ့ က အရက်တွေမူးနေတဲ့ ကျွန်တော့်သူငယ်ချင်းက ကျွန်တော့်ကို ဖက်ငိုပြီးပြောတယ်။ သူငယ်ချင်း မင်းမပြန်လို့ မရဘူးလားကွာတဲ့။ ကျွန်တော်ဘာမှပြန်မပြောနိုင်ခဲ့ဘူး။ ကျွန်တော်ကလဲ မပြန်လို့ မရတော့တဲ့ အခြေအနေရောက်နေခဲ့ပြီ။ အဲဒီအကြောင်းကို ကျွန်တော် မလေးရှားမြေမှ ‘ပ’ လေးလုံး ဆိုတဲ့ ပိုစ့်အကြောင်းမှာ ရေးထားခဲ့ဘူးပါတယ်။ အဲဒီထဲက သူဆိုတာက ကျွန်တော်ပါ။
ဒီလိုနဲ့ ကျွန်တော်မြန်မာပြည်မှာ ကာလအတန်ကြာနေပြီး စင်ကာပူနိုင်ငံကို ထပ်ထွက်လာဖြစ်ခဲ့တယ်။ ကျွန်တော်မြန်မာပြည်မှာ ရှိနေတဲ့အချိန်မှာရော စင်ကာပူကို ရောက်တဲ့အချိန်မှာရော သူကျွန်တော့်ဆီကို ဖုန်းခေါ်လေ့ရှိတယ်။ သူဖုန်းခေါ်တိုင်းလဲ ကျွန်တော် စိတ်ညစ်ရတယ်။ ဘာကြောင့်လဲ ဆိုတော့ ကျွန်တော့်ဆီကို ဖုန်းခေါ်တိုင်း သူက အမြဲမူးနေပြီး ကျွန်တော်သူ့ ကို မလေးရှားမှာ တစ်ယောက်တည်း ထားခဲ့တဲ့အကြောင်းကို ငိုငိုပြီး ပြောလေ့ရှိတယ်။ ဒါကြောင့် သူဖုန်းဆက်တိုင်းကျွန်တော် စိတ်မကောင်းဖြစ်ခဲ့ရတယ်။ ဒီလိုနဲ့ ကျွန်တော်စင်ကာပူမှာ နေတာနဲနဲကြာလာတော့ သူက ကျွန်တော့်ကို ပြောတယ်။ ကျွန်တော်တို့ နှစ်ယောက်မတွေ့ တာကြာပြီဖြစ်တဲ့အတွက် တွေ့ ချင်တဲ့အကြောင်း၊ ဒါကြောင့် ကျွန်တော်မြန်မာပြည်ကို ဘယ်အချိန်အလည်ပြန်မှာလဲ ဆိုတဲ့အကြောင်းကို မေးတယ်။ ဒါနဲ့ ကျွန်တော်က ၂၀၀၉ ဒီဇင်ဘာမှာ အလည်ပြန်မယ်ဆိုတဲ့ အကြောင်း သူ့ ကို ပြောလိုက်တော့ သူလဲ အဲဒီအချိန် မြန်မာပြည် ပြန်လာပြီး ဆင်တဲမှာ ကျွန်တော့်ကို လာတွေ့ မယ်ဆိုတဲ့အကြောင်း ပြောတယ်။ ကျွန်တော်ဆင်တဲ အလည်ပြန်ရောက်တဲ့ အချိန် သူမလေးရှားက ပြန်လာပြီး ဆင်တဲမှာ ကျွန်တော်တို့ နှစ်ယောက်ပြန်စုံ သူစင်ကာပူကို ထပ်ကူးဖို့ ကိစ္စတွေ ဆွေးနွေးကြမယ်လို့ ကတိတွေထားခဲ့ကြသည်။
တနေ့ ကျွန်တော် ညဆိုင်းအလုပ်ဆင်းပြီး နေခင်းဘက် အိပ်နေတုန်း ကျွန်တော့်ဆီကို မလေးရှားက ဖုန်းဝင်လာသည်။ အဲဒီနေ့ က ကျွန်တော့်ဆီကို ဖုန်းတွေတောက်လျှောက် ဆက်ဝင်လာတယ်။ တစ်ယောက်ပြီးတစ်ယောက် ကျွန်တော့်ကို ပြောကြတယ်။
‘ကိုရဲရေ.. မင်းသူငယ်ချင်းတော့ အရက်တွေမူးပြီး ပုချွန်းရေကန်ထဲ ရေဆင်းကူးတာ ရေနစ်ပြီး ဆုံးသွားပြီ။ ဒါပေမယ့် အလောင်းတော့ ပြန်မရသေးဘူး’
ဟု ပြောကြသည်။ ကျွန်တော်လဲ စိတ်မကောင်းဖြစ်ရုံမှလွဲ၍ ဘာမှမတတ်နိုင်။ သူသေဆုံးသွားခြင်းနှင့်အတူ ကျွန်တော်တို့ နှစ်ယောက် ထားခဲ့သော ကတိစကားများလဲ ပျက်ပြယ်ခဲ့ရသည်။ သူပြောခဲ့သလိုပင် ကျွန်တော်တို့ ခွဲခွာခဲ့ကြသည့် နှစ်တွေအတွင်း ပြန်ဆုံချင်ခဲ့မိသည်။ ဒါပေမယ့် အခုတော့ အိမ်မက်ဖြစ်ခဲ့ရသည်။ ဟိုအရင်က သူအရက်မူးပြီး ဖုန်းဆက်တိုင်း ကျွန်တော် စိတ်ညစ်ခဲ့ရသည်။ ဒါပေမယ့် ခုချိန်မှာတော့ ဖြစ်နိုင်ရင် သူအရက်မူးပြီး ဖုန်းဆက်မည့် အချိန်ကို မျှော်နေမိသည်။ သေချာတာကတော့ ကျွန်တော် ဘယ်လောက်မျှော်လင့်နေ မျှော်လင့်နေ ဘယ်တော့မှ ဖြစ်လာနိုင်တော့မည်မဟုတ်ပေ။ လူတိုင်းလူတိုင်းမှာ ဖြစ်ချင်နေတဲ့ ဆန္ဒလေးတွေရှိပေမယ့် ဖြစ်မလာခဲ့တဲ့ အကြောင်းအရာလေးတွေရှိမှာပါ။ ဒီအကြောင်းအရာလေးတွေကတော့ ကျွန်တော့်ဘဝမှာ ဖြစ်မလာခဲ့သော ဖြစ်ချင်နေတာ လေးတွေဘဲ ဖြစ်ပါတယ်။
ကိုရေသန့်နှင့်တွေ့ဆုံခြင်း (သို့) အလှူဒါနပြုကြရအောင်
(က)
“ဟလို … ကိုရေသန့်လား …”
“ဟုတ်ပါတယ် …”
“ကျွန်တော် ပေါ့ဆိမ့် ပါ ကိုရေသန့် နေကောင်းလား ဗျ .. ကျွန်တော် ရန်ကုန် ရောက်ပြန်ရောက်ပြီ။ ကိုရေသန့်တို့ အိမ်မှာ မတည်းဖြစ်တော့ ဘူးနော်။ အစ်ကို တည်းဖို့ ပြောထားတာ ကျေးဇူးတင်ပါတယ် .. ကျွန်တော့် အစီစဉ်နဲ့ ကျွန်တော် တည်းလိုက်”
“အာ .. လုပ်ပြီ ကိုပေါ့ဆိမ့် ကတော့”
“မနက်ဖြန် ကျွန်တော်တို့ တွေ့ရအောင်လေ .. ကိုရေသန့် အားမလား မသိဘူး”
“အင်း.. ကျွန်တော် ဘယ်ကို လာခဲ့ရမလဲ”
“ရွှေတိဂုံစေတီ ပေါ်မှာ ဆုံမယ်လေ။ တနင်္ဂနွေထောင့်က ဇရပ်ကလေးမှာ ကျွန်တော် မနက် ၉ နာရီခွဲ စောင့်နေမယ်”
“အင်း.. ကျွန်တော်လာခဲ့မယ်. မနက်ဖြန်သေချာအောင် ကျွန်တော် ဖုန်း ထပ်ဆက်လိုက်မယ်. ကိုပေါ့ဆိမ့် ဖုန်းနံပါတ် ပြောအုံးလေ”
“ဟုတ် ******** ပါ”
“အဲဆို ဒါပဲလေ မနက်ဖြန်မှ ဖုန်းဆက်လိုက်မယ်”
“ဟုတ် .. ဘိုင်”
(ခ)
နောက်တနေ့ မနက်စောစော။
“ဟလို … ကိုပေါ့ဆိမ့် ကျွန်တော်”
“ဟာ! ကိုရေသန့်”
“ကျွန်တော် အိမ်က ထွက်လာတော့မယ်. ကျွန်တော့ညီ လည်းပါမယ်. ကျွန်တော် ဘောင်းဘီ အစိမ်း ၀တ်လာခဲ့မယ်. မမှတ်မိမှာ စိုးလို့ . ကျွန်တော်က ကတုံးဆံပင်နဲ့နော်”
“ဟုတ်. ကျွန်တော်ကတော့ ယောပုဆိုး အညိုရောင်လေး ၀တ်လာခဲ့မယ်. ကျွန်တော်တို့ မမှတ်မိမှာတော့ မပူရပါဘူး. vzo မှာ တစ်ခါမြင်ဖူးထားတာပဲ. ကိုထွေးကိုလည်း ကျွန်တော် သိပါတယ်”
“အဲဒါဆို ဒါပဲလေ. တွေ့မှပဲ အေးဆေး စကားပြောကြမယ်”
“ဟုတ်ကဲ့. ကျွန်တော်က နီးတော့ ခဏနေရင် ထွက်လာခဲ့မယ်. ဘိုင်”
ကိုရေသန့် ဖုန်းချပြီးမှ အမြန် ရေချိုး အ၀တ်စားလဲပြီး ထွက်လာခဲ့ပါတယ်။ နီးစပ်ရာ ဗိုလ်မင်းရောင်လမ်းထဲက ဖက်ဖူးရောင် ဆိုင်မှာ ကျွန်တော်အတွက် စားရခဲတဲ့ လ္ဘက်ရည်နဲ့ အီကြာကွေး မှာစားလိုက်ပါတယ်။ အဲဒီနားကပဲ တတ်စ်စီ ဌားပြီး ဘုရားကို မြောက်ဘက်မုဒ်က တတ်လာခဲ့ပါတယ်။ ကိုရေသန့်နဲ့တွေ့ပြီး ဘယ်သွားဖြစ်မယ်ဆိုတာ မသိသေးတော့ အလင်းသင့်တဲ့မုဒ်က ပြန်ဆင်းနိုင်တာကြောင့် ကျွတ်ကျွတ်အိတ်ဖိုးလှူပြီး ဖိနပ်ကို အိတ်ထဲထည့်ပြီး သယ်လာခဲ့ပါတယ်။
ဘုရားပေါ်ရောက်တာနဲ့ ဘုရားကို လက်ယာရစ်ပူဇော်ပြီး ချိန်းထားတဲ့ထောင့်က ဇရပ်ကလေးမှာ ကိုရေသန့်ကို ထိုင်စောင့်နေဖြစ်ခဲ့ပါတယ်။ ကိုရေသန့်ကဝေးတော့ မရောက်သေးပါဘူး။ ကိုရေသန့်မလာခင်လေး ဘုရားကိုကြည်ညိုရင်း ကိုရေသန့် အကြောင်းတွေးနေမိပါတယ်။
ကျွန်တော်နဲ့ ကိုရေသန့် က ဆင်တဲသားလို့ ဆိုကြပေမယ့် အပြင်မှာတစ်ခါမှ မမြင်ခဲ့ဖူးထင်ပါတယ်။ ဟိုးငယ်ငယ်တုန်းကတော့ ဆင်တဲ အထက ကျောင်းမှာ တတ်ခဲ့ကြတာဆိုတော့ မြင်ဖူးကောင်းမြင်ဖူး နိုင်ပါတယ်။ ကျွန်တော်မူလတန်းလောက်မှာ သူက အထက်တန်းကျောင်းသား လောက်ဖြစ်နေပါပြီ။ သူပြောသလိုဆို ကျောင်းပြီးလောက်ကတည်းက ဆင်တဲကနေ ထွက်သွားလိုက်တာ ခုထိပါပဲ။ နိုင်ငံခြားမှာ အနေကြာသူ ဖြစ်ပါတယ်။ ဂျပန်မှာ ၁၀ နှစ်ကျော်လောက်လုပ်ပြီး ကျန်ခဲ့တဲ့ လပိုင်းလောက်ကမှ မြန်မာပြည်ကို ပြန်ရောက်ခဲ့တာပါ။ မြန်မာပြည်မှာ အရာရာဟာ သူ့အတွက် ပြောင်းလဲဆိုတော့ မသုံးတတ်မဆွဲတတ် သွားဖို့ပါခက်ခဲတော့ သူ့ညီလေးကိုပါ ခေါ်လာရဟန်တူပါတယ်။
သူပြောသလိုဆို ဂျပန်က သူအလုပ်မှာလည်း အဆင်ပြေပါတယ်။ (အလုပ်ထက် သူအဆင်ပြေတာလေးလည်း ရှိသေးတယ်။ သူ့ကဗျာထဲက အသဲလေးလေ သူတို့နှစ်ယောက်ပုံလေးကိုတောင် တွဲတင်ထားသေးတယ်။ နှစ်ယောက်စလုံး ဘယ်လောက်လိုက်ဖက်ကြသလဲ မြင်ခဲ့ရပြီးပြီ ထင်ပါတယ်။) အဲဒီသူ့အသဲလေးနဲလည်း အဆင်ပြေပါတယ်။ ဒါပေမယ့် သူအဲဒါတွေ ချန်ထားခဲ့ စွန့်လွတ်ခဲ့ပြီး မြန်မာပြည်ကို ပြန်လာခဲ့ပါတယ်။ သူမှာ ငြိမ်းချမ်းတဲ့နေရာတစ်ခုကို သွားဖို့ရည်ရွယ်ချက် ရှိလို့ပါတဲ့။ အဲဒီ သူ့အကြောင်းလေးတွေကို ပို့စ်လေးတွေအဖြစ် တစ်နေ့တော့ အားလုံးမျှဝေခံစားဖို့ သူရေးလိမ့်မယ်လို့ သူမပြောပေမယ့် ကျွန်တော် ယုံကြည်နေပါတယ်။
(ဂ)
ကိုရေသန့်လည်း အချိန်မှီ ရောက်လာခဲ့ပါတယ်။ တွေ့တွေ့ချင်း တစ်ယောက်ကို တစ်ယောက် လက်ညှိုးထိုးလိုက်မိပါတယ်။ သဘောက စိတ်ထဲကနေ ကိုရေသန့် မဟုတ်လား၊ ဒါ ကိုပေါ့ဆိမ့် မဟုတ်လားလို့ မေးလိုက်မိပြီး အပြုံးကိုယ်စီဖြင့် နှုတ်ဆက်ကြပါတယ်။ အပြင်မှာ တစ်ခါမှမတွေဘူးတဲ့ လူနှစ်ယောက် တကယ်မျက်ဝါးထင်ထင် တွေ့လိုက်ရတော့ ရင်ထဲမှာ အံ့သြကြယ်နူးရတာ မပြောပြတတ်အောင်ပါပဲ။ ကိုရေသန့်လည်း ကျွန်တော်လိုပဲ ခံစားရလောက်ပါတယ်။ ကျွန်တော်တို့ အသံတွေ အမြင်တွေ ပါးတဲ့ တိတ်ဆိတ်မယ့် အနီးနားက ဇရပ်တစ်ခုကို ရှာပြီး ထိုင်စကားပြော ဖြစ်ကြပါတယ်။ စကားတွေလည်း ပြောလို့ မကုန်နိုင်ခဲ့ကြပါဘူး။ မိသားစုအကြောင်း၊ ဆင်တဲကဖေးနဲ့ ဘလောကာသူငယ်ချင်းတွေ အကြောင်း၊ ကိုယ်ရေးကိုယ်တာအကြောင်းလေးတွေ စုံနေတာပါပဲ။
ကိုရေသန့်က သူကိုတိုင် ဆိုထားတဲ့ သီချင်းလေးတစ်ပုဒ်ကို ကျွန်တော်ကို ပေးတယ်။ သူမြန်မာပြည်ကနေ လိုင်းမကောင်းလို့ ကျွန်တော်ကို တင်ခိုင်းတာပါ။ MTV ပုံစံလေးလုပ်ထားတာပါ။ အားပေးကြပါအုံးနော်။ ဝေဖန်ပေးကြပါအုံး ဆင်တဲကဖေးက ကိုရေသန့် ကိုယ်တိုင်သရုပ်ဆောင် ဆိုထားတာလေးကိုပေါ့။ ကျွန်တော် မကြာခင်တင်ပေးပါမယ်။
ကျွန်တော်တို့ စကားပြောတဲ့အခါ ဘေးလူတွေကြားခဲ့ရင် ရယ်စရာများ ဖြစ်နေမလား မသိဘူး နာမည်ရင်းတွေ သိနေကြပေမယ့် စကားပြောရင် ဘလော့မှာ သုံးတဲ့နာမည် ကိုရေသန့်၊ ကိုပေါ့ဆိမ့် ဆိုပြီး ခေါ်ဆို ပြောခဲ့ကြတာပါ။ ကိုရေသန့်လို့ခေါ်ပြီး စကားပြောရတာ ကိုပေါ့ဆိမ့်လို့ ပြန်ကြားရတာလေးကလည်း ချိုမြိန်တဲ့ အရသာတစ်ခုလို့ ခံစားမိပါတယ်။
(ဃ)
ကျွန်တော်တောင်းဆိုလို့ ၁၁ နာရီခွဲလောက်မှာ ကျွန်တော်တို့ မူလတွေ့ခဲ့တဲ့ နေရာ ဇရပ်လေးကို ပြန်လာထိုင်ဖြစ်ခဲ့ကြပါတယ်။ ကျွန်တော်အပြန်ကို လူကြုံထည့်ပေးချင်တဲ့သူတွေကို အဲဒီနေရာလေးမှာ ချိန်းထားမိလိုပါ။ လူကြုံပေးမယ့်သူတွေက အကြုံပစ္စည်းတွေနဲ့အတူ ရေပါအောင်ရွာတဲ့မိုးကိုပါ ခေါ်လာကြသလားမသိ မိုးကလည်း ဘုရားရင်တော်ပေါ်မှာ ရေစီးကြောင်းလေးတွေ ဖြစ်အောင်ရွာချနေပါတယ်။ ကျွန်တော်လည်း လူကြုံပစ္စည်းတွေနဲ့ အလုပ်ရှုပ်နေတုန်း ကိုရေသန့်က
“ကိုပေါ့ဆိမ့် ကျွန်တော်ဒီနားခဏ သွားလိုက်အုံးမယ် ပြန်လာခဲ့မယ်”
ဆိုပြီး သူယူလာတဲ့ ထီးကောက်ကြီး ဆောင်း၍ ထွက်သွားပါတယ်။
ခဏကြာတော့ လူကြုံဧည်တွေလည်း ပြန် ကိုရေသန့်လည်း ပြန်ရောက်လာပါတယ်။
“ကျွန်တော် အလှူခံဌာနကို သွားတာ”
ဆိုပြီး အလှူခံဖြတ်ပိုင်းလေး ကျွန်တော်ကို ပေးပါတယ်။ ကိုရေသန့်က ဆက်ပြောပါတယ်။
“ဒီအလှူက ဘုရားရှင်အတွက် ရည်စူးပြီးလှူခဲ့တာပါ။ စေတိဂုံရဲ့ အနောက်ဘက်မုဒ်မှာ အခု ဥယျာဉ်ကြီးတစ်ခု တည်ဆောက်တော့မယ်လေ။ အဲဒီမှာလိုမယ့် မြေတွေ၊ သစ်ပင်ပန်းမန်တွေ အခြားလှူနိုင်တဲ့အရာတွေ အများကြီး ရှိတယ်။ အားလုံးလှူဖို့ လို့အပ်နေတယ်လေ။ တစ်နှစ် တစ်ခါလည်းမဟုတ် တစ်သက်တစ်ခါမှာ ကြုံရခဲ့ပါတယ်။ ကျွန်တော် ဟိုတလောကလည်း ကျွန်တော်လှူဖြစ်သေးတယ်။ ခုတစ်ခါတော့ ဆင်တဲကဖေး နာမည်နဲ့ပေါ့”
ဆင်တဲကဖေးကိုယ်စား အဖွဲ့သားတွေ ကုသိုလ်ရဖို့ ဘုရားကို ရည်းစူးပြီး မြေကြီးကားတစ်စီးကို လှူထားတဲ့ ကိုရေသန့်ရဲ့ မျက်နှာလေးက ရွှင်လန်းနေပါတယ်။ ကျွန်တော်လည်း မနေနိုင်တော့ပါဘူး။ အရမ်းကို လှူချင်တဲ့ ဆန္ဒပြင်းပြလာ ပါတယ်။ ကိုရေသန့်ကို အလှူခံ ရှိတဲ့ နေရာကို လိုက်ပို့ခိုင်းပြီး မိသားစုနာမည်နဲ့ သံဃာဂုဏ်တော်ကို ရည်စူးပြီး မြတ်စွာဘုရားရှင်အပေါင်းအတွက် ရည်မှန်းပြီး လှူဒါန်းလိုက်ပါတယ်။ ကိုရေသန့်လည်း သဒ္ဒါတရားတွေ ထပ်ယိုစီးလာတယ်ထင်ပါတယ်။ သူနဲ့ သူအသဲလေး နာမည်နဲ့ ထပ်လှူလိုက်ပါတယ်။ ကျွန်တော်တို့ အလှူခံဌာနက ပေးတဲ့ ဂုဏ်ပြုမှတ်လွှာတွေကို ယူမနေတော့ပဲ အလှူဖြတ်ပိုင်းလေး ကိုယ်စီသာယူ လာဖြစ်ခဲ့ကြပါတယ်။
မြတ်စွာဘုရားရှင်အပေါင်းကို ရည်မှန်းပြီး စေတနာ သုံးတန်နဲ့ လှူတန်းလိုက်ရတာ တန်ဖိုးဖြတ်မရတဲ့ နောက်ဘ၀ထိ ကိုယ်ဆီ ပါမယ့် နှလုံးသား အဟာရလေး တစ်ခုပါ။ ဘလောကာမိတ်ဆွေတွေကိုလည်း လက်တို့ချင်တာကြောင့် ဒီအကြောင်းလေးကို ရေးသားမိတာပါ။ တစ်သက်မှာ တစ်ခါ ကြုံရခဲ့တဲ့ ကုသိုလ်မို့ လက်လှမ်းမှီသ၍ လှူဒါန်းနိုင်အောင် အသိပေးနိုးဆော် လိုက်မိတာပါ။
မိုးလေး နည်းနည်းဆဲတာနဲ ကျွန်တော်တို့ မြို့ထဲထွက်ခဲ့ကြပါတယ်။ ယုဇန ဒံပေါက်ထမင်းဆိုင်မှာ နေလည်စားခဲ့ကြပါတယ်။ ဒံပေါက်ဖိုးကို အပြိုင်အဆိုင်ရှင်းတဲ့ စေတနာပြိုင်ပွဲမှာလည်း ကိုရေသန့်ပဲ အနိုင်ရရှိသွားပါတယ်။ ဒီလိုနဲ့ အတိုချုံးပြောရရင် ဆူးလေဘုရားနားက ကုန်းကျော်တံတားတစ်ခုမှာ ကိုရေသန့်နဲ့ ကျွန်တော် လက်ဆွဲနှုတ်ဆက် လမ်းခွဲခဲ့ကြပါတယ်။ ခဏတာ တွေ့ဆုံမှု့ရဲ့နောက်မှာ ဘယ်တော့ပြန်တွေ့နိုင်ဦးမလဲဆိုတဲ့ ပူလောင်တဲ့အတွေးတွေကို ဖယ်ပြီး တွေ့ဆုံခဲ့ရတဲ့ ပီတိလေးကို တွေးရင်း ဆုတ်ကိုင်ရင်း ပြုံးပြုံးကြီး ပြန်လာခဲ့ပါတော့တယ်။