sindecafe.com

ဆရာ သင်ကြားခဲ့ရသော စာသင်ကျောင်းလေးသည် အလွန်နုံခြာပြီး တစ်တန်း တစ်တန်းတွင် ပညာသင်ကြားနေသော ကျောင်းသားဦးရေမှာ လက်ချိုးရေ၍ပင် ရသလို ဆရာမှာလဲ ဆရာ့ ဖေကြီး တစ်ယောက်သာ ရှိသည်။ စာမေးပွဲ ဖြေစရာ မလိုဘဲ တစ်နှစ် တစ်တန်း ပုံမှန်တက်ခွင့် ရသော်လဲ သေစာရှင်စာ ဖတ်တတ်လျှင် တော်ပြီဆိုသော တောဓလေ့ အယူအဆကြောင့် နှစ်တန်း၊ သုံးတန်းရောက်လျှင် မိဘဖြစ်သူတို့ က ကျောင်းမှ ထုတ်၍ နွားကျောင်း၊ လယ်ထဲ ဆင်းခိုင်းသောကြောင့် ဆရာလေးတန်း တက်သည့်နှစ်တွင် ကျောင်းသားဆို၍ ဆရာ တစ်ယောက်သာ ကျန်သည်အထိ ဖြစ်သည်။ ဆရာ လေးတန်းရောက်သည့် နှစ်တွင် စာမေးပွဲ တစ်ခါမှ မဖြေဘူးသော ဆရာသည် စဥ့်ကိုင်မြို့ သို့ တက်၍ မြို့နယ်စာမေးပွဲကို မဖြေချင်သော်လဲ ဖေကြီးဖြစ်သူကို ကြောက်ရသောကြောင့် စာမေးပွဲကို ဝင်ရောက်ဖြေဆိုရာ စာမေးပွဲ အောင်မြင် ခဲ့သည်။

စဥ့်ကိုင်မြို့ ပေါ်တွင် ငါတန်းကို သွားရောက်တက်ရမည် ဖြစ်သောကြောင့် ရွာမှ အသွား ခြောက်မိုင် အပြန်ခြောက်မိုင် ၁၂မိုင် ခရီးကို နေ့ စဉ် သွားတက်ရမည် ဖြစ်သောကြောင့် ဆက်မတက်တော့ရန် ဆုံးဖြတ်ခဲ့သော ဆရာသည် ဖေကြီး ဖြစ်သူ၏ ငါ့မြေး စာတတ်ရမည် ဟူသော ကြွေးကြော်သံဖြင့် ရှိသမျှ ပိုက်ဆံလေးစုကာ ဆရာ့အတွက် စက်ဘီးအဟောင်းလေး တစ်စီး ဝယ်ပေးခဲ့သည်။ ဆရာ့ ပြောစကားအရ သူ့ ဘဝတွင် ထိုစက်ဘီးလောက် ဟောင်းသော စက်ဘီးကို ဒီအရွယ်ထိ မတွေ့ ဘူးသေးကြောင်း ပြောခဲ့သော စကားလေးကို မှတ်မိသေးသည်။ ထိုစက်ဘီး အဟောင်းလေးသည်ပင် သူတို့ ရွာ၏ တစ်စီးတည်းသော စက်ဘီးဖြစ်ပြီး ဆရာစက်ဘီး စီးသွားလျှင် ရွာမှ ကလေးများ နောက်မှ ပြေးလိုက်လာလေ့ ရှိကြောင်းကို ဆရာက ပြန်ပြောင်းပြောပြ ခဲ့သေးသည်။

ရွာမှ မြို့ သို့ နေ့ စဉ် ကျောင်းတက်ခဲ့ရသော ဆရာသည် ရွာတွင် ဟီးရိုး ဖြစ်ခဲ့သော်လဲ မြို့ ပေါ်ရောက်လျှင် အလွန် သိမ်ငယ်စွာ ခံစားခဲ့ရကြောင်း သိရသည်။ တခြား ကလေးများ စက်ဘီး အသစ်၊ အင်္ကျီ အသစ်များဖြင့် ကျောင်းတက်နေချိန်တွင် ရွာမှ မြို့ သို့ စက်ဘီးနင်းကာ ကျောင်းတက်ခဲ့ရသော ဆရာသည် ခရီးကြမ်းသောကြောင့် လမ်းတွင် မကြာမကြာ စက်ဘီးမှောက်ပြီး ဖုန်မှုန့် များဖြင့် ပေကျံနေသော ဆရာသည် စက်ဘီးချင်း ယှဉ်ရင် သိမ်ငယ်ခဲ့ရသလို၊ အင်္ကျီ အဝတ်အစားချင်း ယှဉ်လျှင်လဲ သိမ်ငယ်ခဲ့ရသည်။ ဒါတင်ဘဲလား ဆိုတော့ မဟုတ်သေး ဂုဏ်ပကာ သနအရာတွင် သိမ်ငယ်ခဲ့ရသော ဆရာသည် ကျောင်းစာ အရာတွင်လဲ သိမ်ငယ်ခံစားခဲ့ရ သေးသည်။ တစ်ကျောင်းလုံးတွင် ကျောင်းဆရာ တစ်ယောက်သာ ရှိသော ကျောင်းတွင် စာမေးပွဲ ဖြေစရာ မလိုဘဲ တစ်နှစ်တစ်တန်း အောင်ခဲ့သော ဆရာသည် ကျောင်းစာ အရာတွင်လဲ မြို့ ပေါ်မှ ကျောင်းသားများကို မယှဉ်နိုင်ပေ။ သင်္ချာညံသော ဆရာသည် သင်္ချာ မတွက်တတ် သောကြောင့် ဘေးနားရှိ အတန်းဖော်များထံမှ ကြည့်ရာ အတန်းဖော်များက မပြသောကြောင့် သိမ်ငယ် ခဲ့ရကြောင်းကို ပြန်ပြောပြခဲ့သေးသည်။ အဘက်ဘက်တွင် သိမ်ငယ်ခဲ့ရသော ဆရာသည် အတန်းထဲ အဆင့် စီရာတွင်လဲ အမြဲလေးဆယ်ကျော်ဖြင့် နောက်နားတွင်သာ ရှိနေခဲ့သည်။ ထိုအချိန်ထိ ဆရာ့ဘဝတွင် နံပါတ်တစ်နေရာကို ဘယ်တုန်းကမှ မရောက်ခဲ့ကြောင်း ပြောပြခဲ့သည်။

မြို့ ပေါ်မှ ကျောင်းသားများနှင့် ယှဉ်လျှင် အမြဲသိမ်ငယ်ခဲ့ရသော ဆရာသည် တစ်နေ့ တွင်တော့ အခန်းထဲတွင် လက်မထောင်နိုင်ခဲ့သည်။ ထိုနေ့ က မြန်မာစာ ဆရာမက အတန်းရှေ့ကျောက်သင်ပုန်းတွင် ကဗျာတစ်ပုဒ်ကို ရေးပြပြီး သင့်တော်သလို စကားပြေကို စာစီကုံးခိုင်းသည်။ ထိုအခါ ခင်တန်း၊ ချိုးငှက်ကို မမြင်ဘူးသော၊ နွားများအလွန်ကြိုက်သော မြက်နီ တို့ ကို မမြင်ဖူးသော မြို့ ပေါ်မှ ကျောင်းသားများ ဒုက္ခရောက် တော့သည်။ သူတို့ မသိသော မြို့ ပေါ်တွင် မရှိသော အကြောင်းအရာများကို သူတို့ မရေးတတ်တော့ပေ။ တောသား ဆရာ့အတွက်ကတော့ သူ့ ဘဝတွင် နေ့ စဉ် ထိတွေ့ နေသော အကြောင်းအရာများကို စာဖြင့် ပြန်လည် ဖော်ပြရခြင်း ဖြစ်သောကြောင့် ရေးကောင်းကောင်းနှင့် ရေးလိုက်တာ သုံးမျက်နှာ၊ လေးမျက်နှာခန့် ကို ဆယ့်ငါးမိနစ်ဖြင့် အပြီး ရေးပြီး ဆရာမကို သွားပြနိုင်ခဲ့သည်။ အတန်းထဲတွင် သူတစ်ယောက်သာ ပြီးအောင်ရေးနိုင်ပြီး အခြားကျောင်းသားများ လေးဆယ့်ငါးမိနစ် အချိန်စေ့သည် အထိ ဘယ်သူမှ မရေးနိုင်ခဲ့ပေ။ ထိုနေ့ က ဆရာမက ဆရာ့ကို ကျောင်းသား အားလုံးရှေ့တွင် နောင်စာရေးဆရာ ဖြစ်လာမဲ့သူဟု ချီးမွန်းခဲ့သည် အထိ ဂုဏ်တက်ခဲ့သည်။ ထိုအကြောင်းအရာကပင် ဘဝတွင် အမြဲလိုလို သိမ်ငယ်ခဲ့ရသော ဆရာ့အတွက် ဘဝထဲမှ စာကို တွေ့ ရှိခဲ့ခြင်း ဖြစ်သည်။

ဒီလိုနဲ့ တစ်နှစ်တစ်တန်း ပုံမှန်အောင်လာခဲ့သော ဆရာသည် ဆယ်တန်း ရောက်သည့်နှစ်တွင် ဝတ္ထုစာအုပ် တစ်အုပ်ထဲမှ ဇာတ်ကောင် တစ်ကောင်၏ စရိုက်ကို အတုယူ မှားခဲ့ပြီး လမ်းမှားရောက်ခဲ့သည်။ ဇာတ်ကောင်ပြောသော စကားများကို အတုယူပြီး မိခင်ဖြစ်သူကို ဆယ်တန်းကို မဖြေလိုတော့သည့် အကြောင်းကို လှည့်ပတ်လိမ်ညာ ပြောဆိုခဲ့ပြီး ဇာတ်ကောင်ကဲ့သို့ ရည်းစားထားရန်လဲ ကြိုးစား ခဲ့သေးသည်။ ဒီလိုနဲ့ ရည်မှန်းချက် ပန်းတိုင်ပျောက်သွားသော ဆရာသည် ဆယ်တန်း စာမေးပွဲကို မဖြေဘဲ ခြောက်နှစ်တိတိ လေလွင့်နေခဲ့သည်။ ကျောင်းဆက်မတက်တော့ဘဲ လုပ်ငန်းခွင်ဝင်နေပြီ ဖြစ်သော ဆရာသည် တစ်နေ့ တွင် သူငယ်ချင်း ဖြစ်သူ ပေးသော ဆရာကြီး ပီမိုးနင်း၏ အောင်စိတ် ဆိုသော စာအုပ်အတွဲကြီးကို ဖတ်ပြီးနောက် သူ့ ဘဝပန်းတိုင်ကို ပြန်တွေ့ ခဲ့သည်။ ဆယ်တန်း စာမေးပွဲကို မဖြေဘဲ လေလွင့်နေသော အချိန်များ၊ သူ့ ဘဝ အခြေအနေများကို ပြန်သုံးသပ်ပြီး သူ့ ဘဝကို တစ်က ပြန်စရန် အတွက် ဆယ်တန်း စာမေးပွဲကို ပြန်ဖြေရန် ဆုံးဖြတ်ခဲ့သည်။

ဆရာကြီး ပီမိုးနင်း၏ အောင်စိတ်စာအုပ်တွင် ဖော်ပြထားသည့် အတိုင်း လူသားတိုင်းတွင် မမြင်နိုင်သော အောင်မြင်ခြင်း တံခါးများ ရှိပြီး ထိုတံခါးများသည် လွယ်လွယ်နှင့်ကတော့ မပွင့် မိမိဘက်က မပွင့်မချင်း ခေါက်နေရမည်။ မဖြစ်နိုင်သော အရာဆိုတာ မရှိ၊ ကိုယ့်ဘက်ကသာ စိတ်ရှည်လက်ရှည်ဖြင့် ခေါက်နေလျှင် ထိုအောင်မြင်ခြင်း တံခါးများသည် တစ်နေ့ ပွင့်လာမည်မှာ မုချဟု ဆရာက ပြောကြားခဲ့သည်။ ဆရာ ဆယ်တန်း စာမေးပွဲကို ပြန်ဖြေရန် ကြိုးစားတော့ ခြောက်နှစ် ဝေးကွာခဲ့သောကြောင့် စာများက ဝေးနေပြီ။ I go to school. ကိုပင် မသိတော့။ ဒါပေမယ့် ဆရာကြီး ပီမိုးနင်း၏ လမ်းစဉ်များကို ယုံကြည်လက်ခံခဲ့ပြီ ဖြစ်သော ဆရာ့တွင် နောက်လှည့်ဖို့ အကြောင်း လုံးဝမရှိတော့။ သူ့ မျက်စိထဲတွင် ပန်းတိုင်ကိုသာ မြင်သည်။ ပန်းတိုင်ကို ရောက်ဖို့ ကိုဘဲ သူသိသည်။ အတားအဆီးများကို သူမမြင်တော့ မေ့ချင်သလောက်မေ့ ဝေးချင်သလောက် ဝေးပါစေ ဘာမှ မသိတော့ ဘာဖြစ်လဲ သုညက ပြန်စတော့ ပိုတောင် ကောင်းသေးသည် ဟု ပြန်ပြောခဲ့သည်။

ဒီလို ကြိုးစားခဲ့သော ဆရာသည် ခြောက်နှစ်တိတိ မဖြေဆိုဘဲ ပစ်ထားခဲ့သော ဆယ်တန်း စာမေးပွဲကို ပြန်ဖြေဆိုခဲ့ရာ မည်သည့် တက္ကသိုလ်ကို မဆို တက်ရောက်နိုင်သော အမှတ်ဖြင့် အောင်မြင်ခဲ့သည်။ ဒါပေမယ့် ငါတန်းနှစ်က မြန်မာစာ ဆရာမ ပြောဆိုခဲ့သော စကားအတိုင်း စာရေးဆရာ ဖြစ်ချင်ခဲ့သော ဆရာသည် မြန်မာစာ အဓိက ယူခဲ့သည်။ တက္ကသိုလ်တွင် အမှတ်ဖြင့် နံပါတ်စီရာတွင် အမှတ်ကောင်းသော ဆရာသည် ခုံနံပါတ် တစ် ရခဲ့သည်။ ထိုကဲ့သို့ တစ်ရခဲ့ခြင်းသည် ဆရာ့ဘဝတွင် ပထမဆုံး အကြိမ်ရခဲ့ခြင်း ဖြစ်သည်။ ဝိဇ္ဖာ တက္ကသိုလ်မှ ဆရာနှင့် တခြားကျောင်းသား(၇)ယောက်တို့ ကို စာမေးပွဲများ စစ်ခဲ့ရာတွင်လဲ ဆရာက နံပါတ်တစ်ကို ထပ်မံရရှိခဲ့သည်။ ဒါက ဆရာ့ဘဝတွင် ဒုတိယ အကြိမ်မြောက် ရခဲ့ခြင်းဖြစ်သည်။ ဒီလိုဖြင့် ရည်မှန်းချက် ပန်းတိုင်ပျောက်နေခဲ့သော ဆရာသည် ဆရာကြီး ပီမိုးနင်း၏ အောင်စိတ် စာအုပ်တွဲများကို ဖတ်ပြီး စာထဲမှ ဘဝကို ပြန်လည်တွေ့ ရှိခဲ့သည်။

ထို့ နောက် ဆရာကြီးသည် တောဘိသိတ်ဆရာနှင့် မြို့ ဘိသိတ်ဆရာတို့ ဘိသိတ်ပြိုင်ကြသည့် အကြောင်းကို ဆိုင်းဆရာ တစ်ယောက်မှ ပြန်လည် စာရေးသားခဲ့သည့် ဘိသိတ်ပြိုင် အကြောင်းကို ထပ်မံ ဟောပြောခဲ့သည်။ထိုသို့ ဟောပြောရာတွင် ပညာရှင် တောဘိသိတ်၏ မိမိကိုယ်ကို နှိမ့်ချပုံ၊ မြို့ ဘိသိတ် ဆရာ၏ အရှုံးကို ကျေကျေနပ်နပ် လက်ခံ၍ ကိုယ့်ထက်သာ သူကို ရိုသေလေးစားပုံတို့ ကို ဖွဲ့ နွဲ့ ဟောပြော ခဲ့သည်။ ဆရာက မိမိတို့ ကျင်လည်နေသော ပတ်ဝန်းကျင် ဘဝများ အကြောင်းကို စာရေး၍ ရသကဲ့သို့  မိမိတို့  လေ့လာ မှတ်သားခဲ့သော စာပေ၊ ကျမ်းဂန်များထဲမှလဲ ဘဝကို ရှာဖွေ၍ ရနိုင်ကြောင်းကို ဟောပြောခဲ့ပြီး ဘဝမှစာ၊ စာမှဘဝ ဆိုသည့် အကြောင်းလေးကို နိဂုံးချုပ်ခဲ့သည်။

မှတ်ချက်။ ။ ကျွန်တော် ရေးထားသော အကြောင်းအရာများတွင် ဆရာ လယ်တွင်းသား စောချစ် လက်တန်း ပြောခဲ့သော အကြောင်းအရာများကို တချို့ နေရာများတွင် သင့်သလို စာစီ ရေးသားခဲ့ခြင်းဖြစ်သည်။ ဟောပြောပွဲ ခန်းမတွင် ကျွန်တော် ကြားမိသမျှ ထဲမှ ကျွန်တော် မှတ်မိသမျှ လေးများကို ပြန်လည်ဝေမျှခြင်း ဖြစ်သည်။ အမှား ပါခဲ့လျှင် ခွင့်လွှတ်ဖို့ တောင်းပန်ပါသည်။